Chit份資料ê內容是台語白話字七字仔見證歌集，內文主要有〈人生ê經歷〉、〈信仰ê見證〉、〈慶祝設教百週年〉、〈十分寮禮拜堂〉4 phō 歌仔，lóng是作者用七字仔唸歌來做見證beh傳福音ê見證歌集。〈人生ê經歷〉，是作者個人ê傳記，kàu 36歲信主ê經歷，講伊10歲hō͘ pē母賣去做新婦仔，丈夫喝賭嫖lóng來，害伊受盡苦楚，後來因致病sì-kè求神拜佛lóng不得醫治，最後去信耶穌，因為有得tio̍h醫好，就來見證主恩典，勸人tio̍h信耶穌得永生；〈信仰ê見證〉，信主了後ê見證，也用伊ê專長七字仔唸歌，勸人向善、做人tio̍h iú孝、勸世間人tio̍h改換世俗拜真神，趁主ê教示，特別有土地氣味ê傳福音方式；〈慶祝設教百週年〉，是為tio̍h慶祝「基督教在台宣教百週年紀念」所編作ê，講伊去台南參加百週年慶典，所見tio̍h ê盛況kap參加慶典ê感想；〈十分寮禮拜堂〉，講起十分寮教會設教kap修建禮拜堂ê情形，以及鼓舞人來信主ê見證，出冊是為tio̍h修建禮拜堂募款。（文/Bo̍k ilī）