Chit份資料是台南神學院新編ê定期刊物，有4篇文稿、3篇讀冊介紹。4篇ê文稿有：加拿大Toronto（多倫多）Knox College（Knox（諾克斯）學院）ê Donald V. Wade教授所寫ê〈The Significance of S.A. Kierkegaard〉，探討Soren Kierkegaard ê神學思想。第二篇是Dr. Hugh MacMillan牧師tī 1957年5月30日~6月1日來台南神學院發表ê演講，〈The Ecumenical Movement（普世運動）〉ê筆記。第三篇是Song-tiân Siù-iân博士講，〈現代神學ê動向〉，lóng總有6講，第一講是〈 Kierkegaard ê思想〉，講實存論te̍k解釋法、人生ê 3階段kap信仰。第二講是〈Karl Barth〉，探討Karl Barth ê貢獻、對Barth神學ê批判kap Barth tī神學史上ê地位；chit 2 講是由T. K. J. 所編。第三講〈Emil Brunner ê神學傾向〉，由Tân Phek-cheng記，講起Brunner ê 人物，以及Brunner ê神學傾向，包括：伊起頭kap Barth saⁿ協力、Brunner所寫ê冊、Brunner神學中ê saⁿ tú-tio̍h、批評Brunner ê神學。第四講，〈Paul Tillich ê神學〉，由Gô͘ Kong-bêng（吳光明）記，主要是teh講「系統神學（Systmatie Theology）」。第五講，〈Bultmann非神話化ê學說〉，由So͘ Hūi-chin（蘇蕙蓁）記，所講有ê：Sím-mi̍h叫做「非神話化ê學說」、非神話化學說ê內容、對Bultmann ê 批評。第六講，〈現代美國ê神學傾向〉由So͘ Hūi-chin（蘇蕙蓁）記。Koh來是Karl G. Saviers著，Lô͘ Bān-tek（盧萬德）譯〈Thang驚ê新發現〉，就是teh講用科學te̍k證明聖經是上帝啟示ê話；chit本冊lóng總9章，chit 期刊5章，後期待續。後面是3本冊ê介紹： Ko Chiau-liông介紹《Calvin（加爾文）ê人觀》（著者是T. F. Torrance.），第二本是Tân Kim-jiân（陳金然）介紹《Dead sea serolls（死海ê 冊）》，原著者J. M. Allegro是英國人，介紹ê冊是日文譯本，主要teh講聖經重要資料「死海抄本」。第三本是《Das Hebraische Denken im Vergieich mit dem Griechischen（希伯來人kap希利尼人ê思維）》。（文/Bo̍k ilī）