Chit份資料ê文章有：Tiuⁿ Iông-kang博士講演，〈教會對青年婚姻預備ê責任〉，Tân Phek-cheng記，本文用：1.教會siáⁿ事 tio̍h負起chit-ê責任？、2.教會對青年婚姻預備ê範圍、3.教會tio̍h cháiⁿ-iūⁿ做chit-ê工作？Chit幾ê標題來講。〈礦工對餅脫險〉，見證短文。Ká Gio̍k-bêng〈改良家庭〉，解說南京Sun Hi-sêng牧師ê佈道詩歌，歌詞內底ê「家」字換做「宀+住」字ê意思。〈家庭禮拜ê價值〉，So͘ Hūi-hiang（蘇蕙馨）譯，pē母常常tī家庭禮拜中講主ê道理，kap主所kiâⁿ ê，ta̍k日án-ni做無停歇，1ē久家中就充滿主ê喜樂，對án-ni囡仔信主chiah有造就。An-kî，〈Pa-pa是山羊hòⁿ！〉，1 ê酒漢對伊ê細囝天真ê話來覺醒ê喻道故事。Ia̍p Bûn-hô（葉文和）〈忽略主日學〉，用見證做實例講起主日學宗教教育ê要緊。〈我是靠上帝ê公義來得tio̍h救〉，見證短文。Hūi-hun〈親像聖經中ê路得〉，1 ê叫做「路得」ê婦人人，丈夫過身soah墮落做酒女，因為純真ê cha-bó͘囝ê祈禱kap讀經筆記：「Ǹg望老母ē-tàng親像聖經中ê路得」，來決志改變ê見證故事。賀川豐彥〈駡囝兒ê方法kap 無用罵來教示ê方法〉，So͘ Hūi-hiang（蘇蕙馨）譯，chit期有：「Kan-ta自由教育是無夠額、Beh駡ê心情、「駡」kap「Ok」是無sio-kâng、環境、食物」chit幾ê單元。Hūi-hiang譯〈去山nih ê副牧師〉，講1 ê副牧師臨時放棄應徵大教會牧師ê講道面試ê機會，趕去山nih替1 ê重病患者祈禱，hō͘ 伊安然別世，後來soah得tio̍h hit間大教會ê牧師職ê喻道故事。Siang-hui〈有1間博愛病院〉，本社記者紹介台北博愛病院kap訪問記事。Lô͘ Bān-tek（盧萬德），〈血蟲ê常識〉，紹介血蟲（鈎蟲、十二指腸蟲）ê病。Gô͘ Tek-goân（吳德元）〈覺醒ê獅仔囝〉，喻道故事。最後是〈徵稿簡約〉kap訂正3條。（文/Bo̍k ilī）