Chit份資料ê文章有：Billy Graham〈上帝所疼ê家庭〉，So͘ Hūi-chin（蘇蕙蓁）譯；勉勵夫婦共同建設用基督為主ê家庭。Khó͘ Iú-châi（許有才）講演，〈美好ê家庭kap丈夫〉，使徒彼得用cha-po͘人ê觀點來勉勵丈夫：1. Tio̍h照智識kap婦人人saⁿ-kap tòa、2.Tio̍h尊敬婦人人、3.祈禱ê保持；總講，若有四正ê家庭觀，認明家庭ê目的，婦人人也發揮伊ê特色，做丈夫ê ē-thang同心祈禱敬拜，一定ē受主祝福，做夫婦ê lóng tio̍h努力hō͘ 家庭chiâⁿ做美好幸福ê家庭。Alan MacLeod〈特權kap責任〉，講者tī長榮女中70週年感謝禮拜所講ê勉勵，Siang-hui筆記，講上帝所選ê百姓，上帝有特權hō͘ in，in也有特別ê責任，若無盡特別ê責任，上帝beh審判；咱chit間學校過去有幫贊台灣ê社會kap教會，咱ê特權是過去得tio̍h好ê傳統kap上帝ê恩賜，chit-ê特權包含義務，咱tio̍h一面感謝，一面誠心決意努力hō͘ 伊koh-khah發展。賀川豐彥 〈Beh做老母ê人〉，本文講起beh cháiⁿ-iūⁿ無用「駡」來教囝兒，用：「Pē母tio̍h為囝兒chiâⁿ做ki-su（技師）」、「遺傳上ê注意」、「生理學上ê注意」、「心理學上ê注意」chit幾點來論。U. Kh. L.〈軍中基督徒ê生活〉，1張對軍中寄來ê批。〈青年人m̄-thang m̄知〉，對《聖經報》譯，11條經驗談。Paul E. Freed〈鐵幕後7日〉，An-kî對《Moody》月刊譯，作者Hù-lí-tek先生是美國1 ê基督教廣播電台ê負責人，本文是伊參觀蘇聯7日久ê見聞kap感想。Lâu Goa̍t-lân寫，〈插花講座〉（待續），分做：「花器；插花3技術：剪、拗、插；花矸花ê插法：基本花型」等幾項紹介。詩1首，〈親愛ê母親恭喜〉。介紹：〈《福音報》ê工作〉，《福音報》採訪消息。An̂g Siok-kheng〈灶kha ê造作〉，講án-chóaⁿ造作灶khah hō͘ khah利便，來節省煮飯ê時間，hō͘ 人ē愛煮、愛做，án-ne所煮ê飯、菜穩當ē緊koh好食。另外，內文第39頁，笑話1篇。（文/Bo̍k ilī）