Chit份資料ê內容有：Tân Pek-sù〈基督徒kap健康〉，人身體ê健康，不但tio̍h遵守衛生，也tio̍h注意心情ê快樂，像聖經箴言所講：「歡喜ê心是好藥，憂傷ê心神hō͘骨枯焦」。〈Si-má-lī kap食人種族 （5）〉（待續），見證傳記，19世紀tī非洲宣教ê Si Má-lī女士ê一生，kap 伊án-chóaⁿ tī食人族傳講上帝ê救恩ê記事；本期接頂期第4章未完部分，kap第5章：Ǹg森林進軍。Hūi〈腹部減肥法〉，提供針對腹肚減肥ê 3款體操運動。Teng-it〈家庭副業：種香菇〉，介紹香菇ê栽種方法。Lí To-ka〈教養囝兒〉，做pē母ê教養囝兒tio̍h注意：「態度tio̍h一致」、「方法tio̍h一致」、「待遇tio̍h一致」，做pē母ê tio̍h有耐心常常檢討ka-kī ê態度kap方法，也tio̍h檢討效果來改進。L. I. H.〈Pàng屁siáⁿ事有利益健康？〉，介紹「屁」kap身體健康ê關係。Hap-su-kin〈信仰生活：祈禱〉，若有ka-kī 1 ê teh祈禱，án-ne tī 人ê面前就真容易祈禱；當你tú-tio̍h困難，ǹg望ê索仔斷去ê時，tio̍h用祈禱來接hō͘好sè。Kàng-siông（陳降祥）〈破病ê經驗（7）〉chit期講：「Beh想講pháiⁿ運chiah ōe破病」、「Ài病緊好」、「煩惱tio̍h開錢kap破病bōe好」，chit幾項。An-seng〈兒童故事：聰明ê猴〉，1隻猴受鯊魚ê邀請beh去in厝thit-thô，koh順sòa看in ê國王，tng出海kàu真遠ê所在，鯊魚kā猴講beh提伊ê心去獻hō͘國王，聰明ê猴隨應講伊ê心khǹg tī森林ê樹仔頂，鯊魚只好載伊轉去the̍h，轉kàu森林ê猴tio̍h留tī森林內底，無beh koh kap pháiⁿ心ê鯊魚來去ah。Chú-hū〈Kiàⁿ-tâi 鏡台/枱ê保養〉，家務常識。Chong-chāi〈蜂蜜是家庭中ê好藥〉，生活常識。Lân-hong〈Kap老pē sio-siâng！〉，囝兒真容易照老pē ê kiâⁿ做來學習，做pē母ê tio̍h約束ka-kī，ài做囝兒ê好模範。（文/Bo̍k ilī）