Chit份資料ê內容有：Chan Siù-hōng（曾秀鳯）〈母親ê責任！〉，若beh出好ê囝兒，做pē母ê ài注意tio̍h：1.Kā生hō͘好好，pē母ài細膩受孕ê過程，kap注重胎教；2.Kā養育hō͘好好；3.好好kā教育，chit 幾項是要緊ê事。〈Si-má-lī kap食人種族 （4）〉（待續），見證傳記，19世紀tī非洲宣教ê Si Má-lī女士ê一生，kap 伊án-chóaⁿ tī食人族傳講上帝ê救恩ê記事；本期接頂期第3章未完部分，kap第4章：單身獨馬。〈Lim水健康ê見證〉，13 ê人用「Lim水治療法」回復健康ê見證。Teng-it〈家庭副業：種草菇〉，介紹草菇ê栽種方法。Chú-in〈Pē母m̄-thangka-kī chhōe煩惱〉，cháiⁿ-iūⁿ避免kap年輕ê兒女衝突ê參考建議：1.M̄-thang勉強囡仔凡事lóng kap你sio-siāng；2.常常尊重囝兒ê人格；3.Hō͘囝兒參加正常ê活動；4.Hō͘囝兒有權選職業kap結婚對象。Kàng-siông（陳降祥）〈破病ê經驗（6）〉，chit期講：「對破病ê常識kap應付」、「破病人tio̍h ka-kī 惜本份」、「精神生活上ê應付」chit幾項。Hap-su-kin〈勳章〉，對婚姻中、家庭中ê婦人人ê勉勵。Hūi〈囡仔破病ê時〉，育兒常識。An-seng〈兒童故事：大象kap松鼠〉，講1隻驕傲ê大象sì-kè chhōe sio-ián，ài beh做「樹林ê王」，後來去hō͘ 松鼠pìⁿ 一下摔落比賽台台kha，大象對得tio̍h chit pái ê教示以後，m̄敢koh驕傲，也m̄敢ka-kī講beh做「樹林ê王」lah。Khek-lô-su〈幸福家庭sò͘-chek〉，經營家庭幸福對做丈夫ê、做婦人人ê、做pē母ê、對家內ê禮貌等ê建議事項。Lân-hong〈Sím-mi̍h破病容易遺傳？〉，醫學常識。〈深呼吸有利益〉，養生健身常識。（文/Bo̍k ilī）