Chit份資料ê內容有：Lú-bí〈囡仔急病ê時幾項處理ê方法〉，若tú-tio̍h囡仔「發熱」、「抽choah」、「吐」、「腹肚phah傷」等急症ê處理方法。〈Si-má-lī kap食人種族〉（待續），見證傳記，本文講起1874年，偉大ê傳教師Lí-sun-su-tun tī非洲別世了後，接sòa女宣教 ê Si Má-lī女士ê一生，kap 伊án-chóaⁿ tī食人族傳講上帝ê救恩ê記事；本期講第1章：醉漢ê家庭。L. H.〈食藥ê常識〉，轉譯美國醫學協會所提供食藥ê 時tio̍h注意 ê事，10條。Lí-lóng〈理想ê老pē〉，理想ê老pē應該有ê表現12條。Chong-chāi〈操勞kap健康ê關係〉，過度操勞對身體健康ê影響，工作m̄-thang過度，ài有適當ê歇睏，thang確保身體健康。Êng-lîm〈得tio̍h朋友〉，提供幫贊kap人交陪，hō͘人ē-thang得tio̍h朋友ê幾項方法。Siong-hui〈Lim水治病實行上ê注意〉，lim水治療法tī實行上ê注意事項，8條。An-seng〈介紹幾種：夫妻合作ê健身操〉，家庭健身運動操ê意義kap做法。T. C. C.〈Cháiⁿ-iūⁿ消除囡仔ê驚惶心理〉，育兒常識。Tân Kàng-siông（陳降祥）〈病中ê經驗〉（待續）本文ê題目以前是用「病中雜記」，taⁿ改做「病中ê經驗」連載；chit期講：「免錢ê療養法」。資料室〈白頭毛ê預防法〉。Hap-su-kin〈老母講án-ni！〉，老母ê家庭教養對囝兒深遠ê影響ê經驗分享。It Chú-hū〈瓦斯爐ê使用法〉。（文/Bo̍k ilī）