Chit份資料ê內容有：An-hí〈囡仔kap講話〉，代先了解囡仔ê語詞量kap年齡ê發展情形，koh提供幫贊囡仔學講話ê建議，以及thang運用歌曲、故事、自由談話、遊戲、參觀等做工具來發展囡仔ê言語能力。Un-chō͘，介紹基督教出名ê婦女：〈Ki-ong夫人〉（待續），介紹17世紀法國1位信奉安靜主義ê Ki-ong夫人，名做Jiân-nî Má-lī Bú-bui-tek-lah Mô͘-tek（Jeanne-Marie Bouvier de la Motte），伊ê生平記事。Má-lī〈Tio̍h 坐四正！〉，注意坐ê姿勢，是保健ê 1 ê方法，尤其囡仔tio̍h養成in坐hō͘正ê習慣。An-seng〈初中ê學生kap主日學〉，提醒pē母tng囡仔進入初中了後，也tio̍h要意囡仔ê主日學宗教教育。Un-chō͘，幸福家庭講座：〈Pē母指導〉，tī tú組織家庭裡koh加添新成員了後，家庭成員互相ê態度kap對教養囝兒應有ê觀念、kiâⁿ做ê建議。Tiong-bêng〈癌症治療ê效率〉，美國癌症治療ê經驗簡介。資料室〈8月半中秋〉，台灣民間風俗當中8月半中秋節ê傳說。Lú-bí〈性格成熟ê過程〉，一般te̍k人類性格發展ê過程分做：1.出世後iáu-bōe講話ê時期、2.對學習話語kàu入學時期、3.學生時期、4.少年發育時期kap 5.實際工作kap婚姻煩惱時期等5 ê階段，每1 ê階段lóng有伊ê心理問題，做pē母ê人tio̍h小心照顧囝兒，tī每1 ê時期注意關心in ê性格發展，免得tī in ê人生tú-tio̍h困難艱苦心ê事。「Le̍k-ài（溺愛）m̄是疼！」Iú-sêng，〈放蕩子Eng-tia̍t〉，信仰見證。E̍k-sū（ 蔡逸士），〈Ma-ma講hō͘囡仔聽：奇怪ê帽仔〉，喻道故事，教示人m̄-thang自私顧ka-kī，koh起pháiⁿ心beh 搶人ê物；天頂ê上帝teh看咱ê所想所kiâⁿ，tio̍h做好囡仔，Chú chiah ē歡喜咱。Chiau-éng〈康樂遊藝〉，提供康樂遊藝4條。（文/Bo̍k ilī）