Chit份資料ê內容有：Lú-bí〈Ma-ma是厝裡 ê外科醫生〉，家庭主婦處理囡仔tio̍h傷ê注意事項。資料室，台灣民間風俗：〈7月半普渡〉，簡介台灣民間風俗當中7月半普渡ê起源。Jû-hūi〈Beh cháiⁿ-iūⁿ lù chhùi齒〉，tio̍h lù chhùi齒ê因端kap lù chhùi齒ê注意事項。Un-chō͘，幸福家庭講座：〈天倫之樂〉，pē母為囝兒辛苦tio̍h磨付出，總是thang對天倫ê快樂、趣味，得tio̍h夠額補足；家庭內面有pē母、兒女ê存在chiah是1 ê真正ê家庭；in將性命、快樂、歡喜、趣味、溫暖kap光彩帶kàu厝內，chiah ê lóng m̄是用金錢所買ē tio̍h ê寶貝。資料室〈Pē母ê守則〉，心理學者調查18萬ê 8歲～14歲ê囡仔所得tio̍h ê結果，chiah對pē母提出教養ê守則10條。It Chú-hū〈Sím-mi̍h家庭欠用chhiàⁿ 工人？〉，探討家庭需要用chhiàⁿ 工協助家務ê原因。An-seng〈茶〉，介紹茶ê成份，kap茶葉內面ê茶鹼對身軀ê利益。〈Lîm-khéng 驚虎〉，本文teh講美國總統林肯kap伊ê婦人人ê關係ê事。Lí Iok-hān（李約翰）〈欠錢m̄還！〉，基督徒ê若欠錢m̄還，尤其是做生理欠錢m̄還，ē hō͘人心艱苦，也失落基督徒ê氣味，真無榮光主。Sîn-kong〈訓練你ê囡仔穿衣服〉，育兒常識。Un-chō͘，介紹基督教出名ê婦女：〈Chhí-khîm-sun Liû-sek〉，介紹英國宗教運動出名ê女作家：Chhí-khîm-sun Liû-sek ê生平記事。Chiau-éng〈康樂遊藝〉，提供康樂遊藝3條。E̍k-sū（ 蔡逸士），〈老母講hō͘囡仔聽：吞忍ê考驗〉，喻道故事，3 ê青年teh chhōe頭路做伙去考試，只有1 ê通過吞忍ê考驗得tio̍h工作，hit-ê青年ê經驗講：Ài有吞忍ê心kap專心，chiah-ē成功；Tio̍h像聖經教示：「Tī至小可ê事盡忠ê，tī大ê事也盡忠，tī至小可ê不義ê，tī大ê事也不義！」。（文/Bo̍k ilī）