Chit份資料ê內容有：Chiā Hí-bêng（謝禧明）〈兒童kap連環圖〉，為sím-mi̍h連環圖chiah吸引小朋友？對囡仔有sím-mi̍h影響？有sím-mi̍h辦法thang解決囡仔看連環圖入迷？作者認為教會ê文字傳道機關，thang提倡聖經故事連環圖冊，代替神怪ê 尪仔冊，也ē-thang hō͘囡仔khah深入認bat聖經，幫助宗教教育；若是囡仔看連環圖入迷，做pē母ê tio̍h謹慎引chhōa、指導，親像規定一定ê時間hō͘ in看畫圖冊，抑是盡量 hō͘ in參加遊戲，抑是友誼ê交陪，漸漸bōe記得kan-ta beh看連環圖冊。Un-chō͘，幸福家庭講座：〈訂婚前後〉，婚前雙方iáu tio̍h保持一定ê距離，m̄-thang過頭親密，koh訂婚前tio̍h再三再四考慮、祈禱，khah thang減少解除婚約ê意外，訂婚了後ê唯一使命，就是teh為婚姻做盡善盡美ê準備。Jû-hūi〈介紹幾種洗衫ê方法〉，家務常識。I. H.〈Tio̍h關心你 ê食kap消化〉，飲食、保健常識。Un-chō͘，介紹基督教出名ê婦女：〈聖Thô-lí-sat (1)〉（待續），介紹西班牙神祕教ê名人物：聖女Thô-lí-sat（Teresa） ê生平記事。Bêng-chiong〈對大便看嬰仔健康〉，育兒常識，beh知影嬰仔ê健康狀況cháiⁿ-iūⁿ，最好是看伊ê大便。An-jîn〈Cháiⁿ-iūⁿ教示囡仔順趁？〉，tio̍h hō͘你ê囡仔知sím-mi̍h代誌是重要ê，以後lóng tio̍h叫伊對chiah ê事順趁。資料室〈貧血病ê有效療法〉（待續），醫學常識。Chiau-éng〈康樂遊藝〉，指導遊戲ê注意事項，kap提供康樂遊藝2條。資料室〈Cháiⁿ-iūⁿ用DDT〉，有效使用DDT殺蟲劑 ê方法。（文/Bo̍k ilī）