Chit份資料ê內容是韋斯敏斯德ê小教理問答，chit-ê問答kap韋斯敏斯德信條，以及大教理問答sio-siāng lóng是 tī倫敦韋斯敏斯德寺所開ê總會完成ê。其中，大教理問答有196 ê問答，因為lóng siuⁿ長，koh無通俗，所以chiah koh對大教理問答摘要hō͘伊khah簡捷做107問答。「大問答」和「小問答」ê神學觀點kap「韋敏斯德信條」是一致ê，內容thang分做2部分：第一部分ê主題是神，包括神ê屬性、神ê創造kap救贖；第二部分是講tio̍h人ê責任，內容包括十誡ê解釋、信心kap悔改ê教義，以及人得tio̍h恩典kap救贖ê路徑，比如：神ê話、聖禮kap祈禱。Chit-ê問答thang講是研究神學最好ê入門，koh也是將基督教ê教義簡明摘要來教示一般ê信徒kap細囝ê傑作；基督信徒信仰ê基本要理ê冊，也thang做以下ê路用：求道者ê信仰ê指導、信仰告白訓練班、主日學ê教科書、青年團契會員tio̍h讀、女宣道會會員tio̍h讀、中學、女學道義ê課本、熱心敬虔ê pē母教示囝兒ê好資料。（文/Bo̍k ilī）