Chit份資料主要目錄有：社論〈受難週kap Koh活節ê靈修〉。Tīⁿ Jî-gio̍k（鄭兒玉）〈普世教聯(W. C. C ) 第三屆總會消息〉。內頁8~15頁是因車禍意外過身ê故Gô͘ Thian-bēng（吳天命）牧師追念特輯，有收錄3篇：Gô͘ Thian-bēng（吳天命）〈將永遠ê觀念khǹg tī人ê心〉，是吳天命牧師最後1篇講道錄音檔ê轉譯文。告別禮拜中Tân Sù-tī（陳四治）校長講ê故人略歷〈偉大ê平常人〉。以及總會議長So͘ Thian-bêng（蘇天明）牧師tī 告別禮拜ê講道〈出去無koh倒來〉，用約瑟ê故事做譬如，雖罔kap吳牧師永遠離別，伊像約瑟án-netī任務中來tú-tio̍h災禍，留落bak血ê衫褲，hō͘疼伊ê人深刻ê苦痛，總是，後日mā beh親像約瑟kap雅各án-ne奇妙ê再會，咱有1日也beh kap吳牧師相見tī hit-pêng ê世界，saⁿ慰勉遺族kap親友。另外，研究：Keh Hô-lia̍t（郭和烈）試譯，〈Úi-su-bín-su-tek（韋斯敏斯德）信經ê本文〉（待續）。Koeh Siù-lí〈霧社山地〉，訪問霧社山地ê記事。海內外消息kap 報告7條。各中會通訊9條。其中海外消息有：Tân Hāu-chàn（陳效贊）〈海外宣教師第一信〉，對馬來西亞寄過來的宣教報告。Bêng Iú-tek（明有德）所報，A-hui-lī-ka（美國）、Ko-lûn-pí-a（歌倫比亞）、Ji̍t-lōe-óa （日內瓦）等所在地ê消息。（文/Bo̍k ilī）