Chit份資料ê內容是B. S. H.記寫，台南恩典堂發行，宋尚節博士所講述ê末世基督徒tio̍h注意ê 2 ê問題：「耶穌再來」kap「世界ê路尾」chit 2 ê問題，tng耶穌ê學生對伊問起：「主你koh來，kap世界ê結局有sím-mi̍h兆頭？」，宋尚節博士根據聖經所啟示，代先提起耶穌再來ê預言，tī社會方面tio̍h對：不法加添、普世beh沉淪、富人beh喉叫紛亂、普世失業kap交通利便，chit 5項對聖經來研究；教會方面ē有：無冷無熱、m̄信再來、異端盛行kap福音傳遍天下chit 幾項；國際方面ē：戰爭飢荒 、普世驚惶、和平失效；第二，講基督再來ê情形，有：對死koh活、忽然變化、接納tī空中；第三，主再來beh審信徒kap 第四，再來設國度，照聖經ê啟示，ē有榮光顯現、khún-pek撒旦、萬民審判、千年王國kap列國反背。Koh來是論講「世界ê路尾」，第一，世界路尾要緊ê情形，tī國際間ē發生：大戰爭、大飢荒、大瘟疫、大窘迫kap大罪人；tī自然界ē有5項變遷：天象大變、地勢tín動、河水變血、氣候極變kap Siù ê國（就是大罪人ê國）烏暗；tī教會中ē有：大患難中ê得救者、大災難時ê干證人、真教會ê被提拔、空中傳ê福音、假教會ê倒壞；世界末日ê情形，有：大審判日、天、地末運、新天新地chit 3項，chiah-ê lóng有記載tī啟示錄。末世基督徒tio̍h 細膩、注意；來ka-kī保守堅固信心。（文/Bo̍k ilī）