Chit份資料ê內容是屬tī台灣基督長老教會ê信仰kap教制委員會所編訂，behhō͘教會tī各種 ê禮拜 kap聖典禮ê指導kap參考，佇本冊上頭前是教會信仰ê指導，有：「主ê祈禱文」、「信經」、「新ê誡命」、「上帝ê十條誡」，繼續ê內容有：一般主日禮拜ê順序5篇。聖典koh分做聖餐典禮kap洗禮，洗禮ê儀式有：小兒洗禮、成人洗禮、堅信禮。設立禮拜有：設立牧師、設立續任牧師、教師、長老、執事、傳道師、宣道師、教育士、教會各團契、機關首長等ê設立、上任、授職儀典。喜事ê禮拜有：訂婚kap結婚。喪事ê禮拜有：入木、告別禮拜、埋葬、囡仔ê葬式、追思禮拜。建設ê禮拜有：開設教會、禮拜堂定礎式、獻堂式。特殊主日禮拜ê部分有：聖誕節音樂禮拜、Koh活節音樂禮拜、聖別禮拜（除偶像）。其他koh有tī禮拜ê前後、禮拜當中需要ê宣召kap祈禱、祝禱、禮拜前後牧師、主理者、講道者個人ê祈禱，以及各種ê祈禱文ê參考。最後是教會曆主日讀經表kap教會主日一覽表。（文/Bo̍k ilī）