Chit份資料ê內容，有：靈修經節：路加23：26－31。Ông Siú-ióng（王守勇）〈伊無tī chia，因為伊已經koh活〉，耶穌koh活ê聖經信息ê教理教示。Lí Iok-hān（李約翰）〈基督ê空墓〉，耶穌koh活ê信息啟示。Chan Siù-hōng（曾秀鳯）〈耶穌ê koh活〉，耶穌ê koh活是上帝ê大權能，是做使徒ê信仰ê中心kap傳道ê基礎，因為耶穌ê koh活，咱chiah有得救ê ǹg望，基督做咱信仰ê對象，耶穌ê koh活hō͘人做新創造ê人。Tó-chhoan Ku-hō〈Siáⁿ事beh讀聖經〉。Lô͘ Bān-tek（盧萬德）譯，〈保羅傳〉（待續），繼續介紹聖經人物保羅，chit期講第十章：「Tī Thiap-sat-lô-nî-ka（帖撒羅尼迦）ê成功」。用喻道故事、見證做教理教示ê文章3篇：Chiu Thian-lâi（周天來）〈基督ê疼〉，基督ê疼是犧牲ka-kī ê疼、是奉獻ka-kī ê疼。Lí Lú-bí〈上帝是疼〉，上帝是疼，甚至將獨生囝賞賜世間，hō͘ 見若信伊ê人bōe沉淪ōe得tio̍h永遠活，伊ê疼到án-ni。〈開酒店ê夫婦〉，1對tī美國芝加哥經營酒店ê德國夫婦ê見證故事。其他，A. S.〈家事常識〉，家事常識4項。（文/Bo̍k ilī）