Chit份資料ê內容，靈修、教理講解ê文章有5篇：Chan Siù-hōng（曾秀鳯）〈受召ê chōe，受揀ê少〉。Oswald Smith〈祈禱ê阻礙〉，基督徒tio̍h做祈禱ê勇士，盡力khah贏攪擾、眠眠愛睏、遊動ê思想等祈禱ê阻礙來得勝，求主教示咱祈禱。Ka-lâi Kok-seng〈乞食ê教示〉（2），若是tī教會、tī靈性上，gâu指責批評別人、kan-ta beh接受、無願意付出服事、無愛負責任ê乞食信徒若愈chē，教會ē愈衰微。Chiu Thian-lâi（周天來）〈耶穌ê鎮靜〉，1 ê沉默ê耶穌m̄是人ê耶穌，是做上帝ê囝、做彌賽亞ê耶穌。Lô͘ Bān-tek（盧萬德）譯，〈保羅傳〉（待續），繼續介紹聖經人物保羅，chit期講歐洲傳道ê第一戰。用喻道故事、見證做教理教示ê文章6篇：To-ka〈Iâ-tek-sun夫婦〉，見證英國宣教師Iâ-tek-sun夫婦tī海外ê宣教事蹟。L. I. H.〈良心〉。An-sng〈聽主ê話ê賞賜〉19世紀出名講道者Su-pó͘-chin去英國佈道ê見證故事。N̂g Seng-liōng〈石磐khang ê鳥仔〉，細細石盤khang，只有ē-thang容允hit隻細細ê鳥仔來入tī伊ê內面。人若看無ka-kī，謙卑ka-kī ê時，chiah 有法度thang閃bih hit內面。Lí Lú-bí〈全世界lóng是臭味〉。T. E. C.〈杜蚓無路thang出〉。其他koh有，A. S.〈家事常識〉，家事常識7項。Âng Siok-kheng〈快樂ê物配〉，分享煮食ê經驗kap食譜1篇。（文/Bo̍k ilī）