Chit份資料有文章12篇、囡仔古1篇、歌詩1篇、食譜3篇、插花譜1篇、消息3條、衛生保健1篇。內容有：Gô͘ Bōng-lîn〈看你 ê老母〉。Lâu Gô͘ Siù-hūi（劉吳秀惠）〈母親ê光榮kap責任〉。Au Chine-an（歐進安）〈模範婦女（路得記）〉。Liāu Sūi-lú（廖瑞女）〈兩三ê意見〉。Goa̍t-san（月山）〈買櫝還珠〉。Iûⁿ Sū-ióng（楊士養）紹介〈Î Jiâu-lí（余饒理）先生〉，英國宣教師、教育家，1883年kap先生娘受派來台，tī台灣13冬，所做ê工有：1.教育工作，1885年9月21日正式成立「台南長老教中學」，1890年校舍受白蟻損害停課，余先生募款重建，1894年再開學。2.伊用羅馬字編著《三字經新撰白話註解》，chit本冊逐字有字音kap解釋hō͘人真快明白，大大利益人。3.伊好膽反對台灣人買賣囡仔ê習俗；另外也組織聯誼會，聚集逐家相交陪、交換意見，tī教士會kap台灣人lóng受敬重。4.1896年9月夫婦離台，1905年1月7號安息。杜英助ê歌詩〈好ê牧者〉，描寫迷路ê羊仔kap hō͘牧者chhōe tio̍h ê心境。囡仔古，Lîm Êng-kiat〈媠ê面〉，講1个本底足gâu受氣、欺負小弟、自私、歹看面ê囡仔，心性改變做和氣、有笑容、疼小弟、聽爸母話ê囡仔，連面mā變媠。其他漢字書寫：許牧世譯〈愛篇〉。謝禧明〈青年與家庭〉。春耕〈母與子〉。秋寒〈從一位少女的來信說起〉。莊萍〈雄鷄給信徒的啟示〉。雨田〈如果這樣教孩子〉。高李麗珍〈請關心玉山神學書院〉。蘇清心〈耳痛〉。李秀賢〈料理〉。戴吳丁妹〈插花漫談〉。（文/Bo̍k ilī）