Chit份資料有文章14篇、歌詩1篇、插花譜1篇、食譜2篇。編輯室用〈Hō͘讀者ê批〉開頭。Sòa接配合宣教百週年特刊，多數是靈修會講篇：N̂g Chiong-hui （黃彰輝）有2篇〈繼往開來〉（N̂g Iàn-kheng記），論起社會型態ê改變，教會都市化、農村教會面臨ê危機、beh按怎繼續宣教師設教會、病院kap學校ê精神，以及教會按怎因應現今多元社會kap適應，是今日重要ê課題。另外1篇〈無bōe記得ê事〉（Tō͘ Eng-chō͘ （杜英助）記），tio̍h記得m̄-thang講人跤chhng後話，ài款待人親像ka-kī ê兄弟姐妹、疼人像主疼咱一樣、常常謹慎ē-hiáu分享，hō͘咱人生無chiâⁿ做死海。N̂g Bú-tong （黃武東）〈查經〉（N̂g Iàn-kheng記）。Sòng Choân-sēng （宋泉盛）有2篇：〈宣揚福音ê基本要素〉。另外是〈新紀元ê異象〉，勉勵婦女用tī家庭ê地位hō͘基督ê光照光厝內，調整新世紀婦女會ê工作目標，koh有信徒合一ê重要；學習舊約時代ê以色列百姓，好膽眠夢、看見異象、宣揚福音。Sòa接是 Bí Lí-kian（彌迪理）〈無怨恨爸母，就bōe-ōe做我ê學生〉。Ko Chiau-liông （高昭良）有2篇：〈爸母kap子女教育〉、〈教會kap成人教育〉。Lí Bêng-an （李明安）〈第二世紀宣教kap女宣〉。Phîⁿ Chēng-siok（彭靜淑）〈對第二世紀家庭ê期待〉。Koa Bêng-chu （柯明珠）等〈討論問題報告〉。歌詩1首，陳郭錦鳳〈臺灣宣教百週年女宣夏季靈修會感懷〉。Tân Kim-jiân（陳金然）〈眾人ê老母（2）：夏娃〉。李恩惠〈你內心ê修養有夠mah?〉。蔡錦淑〈秀色可餐〉。戴吳丁妹〈插花漫談〉。（文/Bo̍k ilī）