Chit份資料有文章10篇、囡仔古1篇、歌詩1篇、插花譜1篇、食譜2篇。編者用〈對新世紀ê向望〉起鼓。接sòa有Dr. Robert Lee〈現代社會 kap不良少年〉。Kè Hô-chut〈如何指導囡仔看〉。Sòng Siok-koan（宋淑娟）〈Cháiⁿ-iūⁿ應付現實ê人生？〉。Tân Kim-jiân（陳金然）〈眾人ê老母－夏娃〉。〈如何指導囡仔看冊〉，提醒爸母hō͘囡仔看課外讀物tio̍h考慮囡仔看冊ê興趣、健康情形、生活環境kap學業。Iûⁿ Sū-ióng（楊士養）ê名人傳記紹介〈Tō͘ Soat-hûn（杜雪雲）姑娘〉，1887年出世tī英國，老爸是牧師，自細漢受良好家庭教育，後來專攻兒童教育學，志願做宣教師，1916年受派來台到彰化赴任，後來派她駐在長榮女學教冊兼傳道，在台工作24年；1940年，因戰事離台，無偌久，hō͘日軍lia̍h去集中營，送入收容所欠食無藥折磨將近4冬，病弱別世；杜姑娘別世了後，tī長榮女子中學內底起1座紀念禮拜堂，koh khiā碑紀念。Lâu Tēng-hôa （劉定華），囡仔古〈只有1 kho͘銀 〉，講1个貧童存心beh偷提銀燈台去借tòa禮拜堂，後來tī房間有1塊碗té銀角是beh hō͘貧苦需要ê人路用，大受感動，連伊身軀所chhun ê 1 kho͘銀也奉獻入碗裡。1篇舊作重刊， 1888年作ê〈縛跤歌〉，thang看見教會做社會先覺者，cháiⁿ-iūⁿ改革早前社會縛跤ê歹風俗。漢字書寫文章有：潘衡譯〈只有你一家怎麼辦〉。秋寒記〈蘭瑪琍蓮女士自傳〉。鄭慧惠〈注意與知覺〉。林妙珠〈妊娠九，十個月〉。蔡錦淑〈秀免可餐〉。戴吳丁妹〈插花漫談〉。（文/Bo̍k ilī）