Chit份資料有文章14篇、囡仔古1篇、歌詩2篇、插花譜1篇、食譜2篇、其他1篇、消息1條。Tú好基督教來台宣教百週年，有漢字書寫ê紀念歌詩2首，陳郭錦鳳〈總會女宣處紀念百週年〉kap杜英助〈福音來台百週年紀念歌〉。文章有：Sòng Choân-sēng（宋泉盛）〈新時代ê女宣〉。Tân Kim-jiân（陳金然）〈Beh怎樣傳？〉。Chiong Khéng-jîn（鍾肯仁）〈啟發兒童ê天才〉。Kè Hô-chut譯〈囡仔學業有問題〉 。Chiu Bûn-seng〈戀愛ê時tio̍h kóng sím-mih話？〉。Iûⁿ Sū-ióng（楊士養）ê名人傳記，本期紹介〈Kéng Sūi-chu（龔瑞珠）先生〉，1879年出世tī鳳山，自細漢就真khiáu koh gâu讀冊，來台南讀「長老教女學」畢業了後，留tī學校做教員幾十冬，教學傑出受重視，愛護、照顧學生受敬重；1926年tī台南東門教會受選做長老，mā是台灣上早ê女長老之一。兒童樂園：囡仔古，Lo̍h Hui-chú〈幫贊人ê囡仔 〉，講1个叫做Ma-lī ê查某囡仔用ka-kī儉ê銀角仔買茶杯，hō͘過路人lim茶止喙焦，soah得tio̍h 2粒大蘋果ê回報；另外koh 1个查晡囡仔Pí-tek，遭受家暴意外受傷soah跛跤，因為khioh-tio̍h 1 ê beh出急診ê醫生ê醫包，反轉受醫生幫贊醫好跛跤ê故事，用故事hō͘囡仔知存善心、做好事、得好報ê啟示。另外koh有〈家庭靈修〉。Ông Chú-chhiau 〈怎樣幫贊山地教會〉。Sun Hông-tìn（孫鴻鎮）〈以馬內利ê教會〉。Chiong Sūi-lêng（鍾瑞能）〈澎湖教會近況〉。漢字文章：莊丁昌〈蒙大恩ê女子〉。鄭慧惠〈記憶與遺忘〉。林妙珠〈妊娠第七，八個月〉。蔡錦淑〈秀色可餐〉。力黃金花〈家庭用具各種洗滌法〉。戴吳丁妹〈插花漫談〉。（文/Bo̍k ilī）