Chit份資料內容有文章8篇、囡仔古1篇、食譜3篇。Tân Kim-jiân（陳金然）〈Tio̍h用感謝做祭獻 hō͘ 上帝〉。Khu Beng-tiong（邱明忠）〈感謝ê心〉。Chiā Si An-chú（謝施安子）〈Sím-mih款ê家庭chiah thang稱做基督化〉。Chiā Hí-bêng（謝禧明）〈基督教ê婚姻〉。Âng Pek-chong（洪伯宗）寫ê〈兒童情緒ê問題〉，提醒爸母幫助囡仔hō͘ in ē-tàng利用ka-kī ê情緒來處理所tú-tio̍h ê問題，幫助in達到成熟情緒ê目的，koh提岀5項特徵來做判斷。Iûⁿ Sū-ióng（楊士養）〈名人傳記〉，本期紹介「Kai Jōe-lí（偕叡理） 牧師」，簡介馬偕牧師來台宣教、開拓北部教會ê經歷。另外，Chhòa Bûn-cheng〈基督徒對「鬼」 應有ê認識〉。華文書寫ê〈G. H. Q. 〉 kap 〈料理〉。囡仔古，Lâu Tēng-hôa（劉定華）〈勇敢ê約翰〉，講tī意大利2个小兄妹去離島探訪孤1个人tī hia顧燈塔ê阿公，阿公足歡喜in來，就利用好天時出外去採購，無疑誤到下晡soah反天，2个囡仔意外變成 1暝燈塔守望員ê冒險故事。（文/Bo̍k ilī）