Chit份資料內容有：周金耀〈聖誕節與主日學教育〉，提醒12月25 基督徒ê大節，ài端正指導主日學學生按怎過聖誕節：Beh hō͘主日學學生清楚明白聖誕節ê真義，感謝上帝賞賜耶穌基督來拯救咱，聖誕節活動內容m̄-thang俗化，透過聖誕節鼓勵學學生接受基督做救主，干證福音、服務人群、榮光主。吳清鎰〈舊約聖經各卷的總論：但以理書〉，是舊約出名ê偉大先知，本書也屬聖文學，但以理ê預言是傑出ê默示文學之一。林玉田〈新約聖經各卷的總論：雅各書〉，主要是雅各tī耶路撒冷傳教，有關基督徒對信仰kap行為應有ê認識kap反省；雅各書一向khah無hō͘人看重，總是本書thang彌補基督徒常忽略ê真理ê一面。「幼稚科」教材，由幼稚教育小組編寫，本期總題是「上帝賞賜主耶穌」；目的是beh幫助小朋友明白聖誕是耶穌出世ê日，快樂ê日，也應該hō͘別人分享chit个快樂。Sòa接是「兒童禮拜」。後面ê「分科」教材高級組kap初級教案順序分別有題目、目的kap聖經、教師準備、教課kap實際指導。（文/Bo̍k ilī）