Chit份ê內容有：卷頭詞：Tiuⁿ Hông-chhiong（張逢昌）〈世界主日學記(紀)念日〉，用1 ê日本ê見證故事做主日學紀念日ê分享。繼續是教員養成講座5篇：（1）Ko Má-lia̍t（高瑪烈）講〈幼兒與聖經智識〉，全台幼稚科教員靈修會ê專題講演。（2）Gô͘ Kong-bêng（吳光明）〈基督教教育kap十字架〉，用十字架是上帝ê「心」、疼ê「鎖匙」、福音ê「地基」做譬喻，來闡明十字架tī基督教教育ê重要核心。（3）Tīⁿ Liân-bêng（鄭連明）〈基督傳（6）〉，耶穌基督ê傳記，chit期講第5章：受歡迎ê 1年，子題有：「I. Kàu加利利；II.傳道ê方面：神蹟、講道、信徒」。（4）Lîm Gio̍k-tiân（林玉田）〈保羅（11）〉，接6月號第20面，chit期講（四）教會ê pó-bó保羅，分做：「I.保羅ê教會ê圖式；II.保羅為教會ê苦心；III.疼ê牧者保羅」chit幾項來講。（5）Iâu Chèng-tō（姚正道）〈猶太ê風俗kap習慣（10）〉，chit期接頂月號sòa落去講：「刑罰」，有講tio̍h：「I.刑罰ê種類；II.十字架刑；III.逃閃城」chit幾項。Koh來是主日學ê教材：Chiā Hui-liông（謝輝隆）〈兒童講道的指針及分班時的教材〉，教案內容大約有：目的、金句、禮拜（內容）：聖詩、聖經、講道，分班課程：聖經、教ōa；10月份ta̍k禮拜主日學ê課題是：10月4日：〈受交代做干證〉；10月11日：〈充滿聖神ê干證〉；10月18日：〈將koh活ê耶穌分hō͘人〉；10月25日：〈彼得、約翰無驚惶ê見證〉。後面是中國主日學協會編ê中文書寫ê〈T. K. C. 例會指導〉kap〈編者ê話〉。（文/Bo̍k ilī）