Chit份ê內容有：論說：Gô͘ Kong-bêng（吳光明）〈基督教教育kap老人〉，老人是永遠ê青年，是「100歲ê細囝」，in ê信仰chiâⁿ做仰望對天裡落來永活ê榮光；老人是基督教教育ê頭kap尾；咱tī主日學抑是教會內有chit款信仰老táu ê老大人，實在是大福氣。繼續是教員養成講座3篇：（1）Tīⁿ Liân-bêng（鄭連明）〈基督傳〉，耶穌基督ê傳記，chit期講第一章：II. Chiâⁿ 肉體（tī伯利恆）；III.私生涯（tī拿撒勒）。（2）Iâu Chèng-tō（姚正道）〈猶太ê風俗kap習慣（6）〉，chit期接頂月號sòa落去講：「裝身具」ê部份，有講tio̍h：「I.鞋；II. Tòa（帶）；III. 印kap鍊仔；IV. 頭毛kap chhùi鬚；V. Sek-liāu（粉黛）；VI.其他ê裝身具」chit幾項。（3）〈舊約入門（7）〉，接5月號第32面，Bí Te̍k-lí（彌廸理）寫，蕭清芬譯，chit期接頂期所講讀舊約oh得理解ê困難。Koh來是主日學ê教材：Chiong Bō͘-sêng（鍾茂成）〈兒童講道的指針及分班時的教材〉，教案內容大約有：目的、金句、禮拜（內容）：聖經、講道，了後分班課程：聖經、教ōa；6月份ta̍k禮拜主日學ê課題是：6月7日：〈先知以利亞責備王貪心〉；6月14日：〈以利沙kap乃曼〉；6月21日：〈約沙法，猶大賢明ê王〉；6月28日：〈Tī猶大ê祭司kap王〉。後面是消息：Khu Beng-tiong（邱明忠）譯ê〈各國ê基督教教育消息〉。中國主日學協會編ê〈T. K. C. 例會指導〉，中文書寫。最後是Tiuⁿ Hông-chhiong（張逢昌）〈編後話〉。（文/Bo̍k ilī）