Chit份ê內容有：卷頭詞：Tīⁿ Liân-tek（鄭連德）〈Tio̍h進步〉，chi̍t年ê開始願主賜咱有新ê決心，hō͘今年ē chiâⁿ做「Tī主ê恩典kap智識來進步」ê年。Chiong Bō͘-sêng（鍾茂成）〈基督耶穌的宗教教育觀〉（第二講），接頂月號，koh論起「耶穌ê宗教教育觀ê背景」，講tio̍h耶穌基督ê婚姻觀、婦女觀、家庭觀、兒童觀。Tīⁿ Kím-êng（鄭錦榮）〈聖詩tâm-ōa（談話）〉，chit期紹介ê囡仔聖詩是聖詩304首〈耶穌愛我〉（Jesus loves me, this I know）。D. M. Maynard〈Sím-mi̍h造成基督教家庭〉，本文是美國Bo͘-su-tun神學大學ê基督教育ê教授Mehnah博士ê講演，Mehnah博士是透過黃彰輝牧師交涉普世教聯教育聯誼會，專工派來台灣1年teh特別指導咱；本文講tio̍h tī基督教家庭所有宗教形式以外，tio̍h koh chhōe出別ê要素，就是「saⁿ疼、saⁿ理解、saⁿ接納」ê精神；有chit-ê精神ê家庭，囡仔kap大人chiah ē-tàng養成對ka-kī ê自信、信用人ê心；特別chiah ē-tàng信上帝kap疼上帝。教材教案：Hui-le̍k〈兒童說教的指針及分班時的教材〉，1月份ta̍k禮拜日主日學綜合合班禮拜kap分級分班課程教案參考，chit個月ta̍k禮拜主日學ê主題是：1月5日：〈教會ê地基〉；1月12日：〈教會ê lêng力〉；1月19日：〈教會ê交陪〉；1月26日：〈教會ê組織〉。後面是Tīⁿ Chin-hôa（鄭真華）〈摺紙手工〉。〈消息〉，海內外教界消息lóng總12條，其中第12條「山地教會拜堂獻堂式」用白話字書寫，其他消息是中文書寫。陳光輝〈主日學教員應有ê款式〉（待續），寫hō͘主日學教員做參考ê幾點注意事項：1.M̄-thang；2.M̄-thang遲到、siuⁿ òaⁿ；3.Tio̍h tī 拜堂門口等候學生；4.Tio̍h講雅氣ê話；5.Tio̍h注意咱ê態度、動作；6.學生連1 ê tō m̄-thang忽略伊。最後是Kong-hui（陳光輝）〈編輯後記〉。（文/Bo̍k ilī）