Chit份資料是台灣基督長老教會總會教育處議決beh出版1本「基督教教育月刊」，chit-ê創刊號內容有：總會議長：N̂g Chiong-hui（黃彰輝）所寫ê〈序〉，台灣長老教會ê宗教教育漸漸趨向tī基督教教育ê世界潮流，tio̍h用基督ê精神來達tò宗教教育ê目的，só͘-pái總會教育處設專任幹事（陳光輝牧師），來備辦1部「基督教教育」ê雜誌，ǹg望ke-thiⁿ chē-chē利益tī基督教教育ê材料。Ńg Tek-hui（阮德輝）〈發刊詞〉，教育處成立teh負起基督教教育ê重大使命，對重設法主日學ē充實，來造就後代好ê基督徒，繼續咱ê信仰tī教會活動；本處託專任幹事陳光輝牧師負責編輯出版「基督教教育月刊」；月刊內容有主日學教材、開會禮拜ê說教、研究、教員ê養成講座，教界內外ê消息等，thang做ta̍k家ê參考，來利益tī基督教教育ê方面。繼續是相關研究、教員養成講座、教學補充等材料，有：Tâng Kong-hui（陳光輝）〈聖誕信息：世界ê王〉，taⁿ koh 1 pái迎接主耶穌ê聖誕節，對心底感謝上帝ê好賞賜，也真正仰望伊做咱ê王，人類ê王，世界ê王。Chiong Bō͘-sêng（鍾茂成）〈基督耶穌的宗教教育觀〉（未完），若ài知主耶穌ê宗教教育觀tio̍h代先知初代教會宗教教育kap希伯來民族宗教教育，因為基督教ê源泉是對希伯來民族發出來ê；Chit期先講「希伯來民族ê宗教教育」。E. R. Castro〈教會的教育事業〉，作者Khasutolu姑娘是菲律賓人，擔當普世教聯教育聯誼會東南亞地區ê助理幹事；本文是今年9月伊來台灣，tī傳教師總會ê請安kap講演。教學補充材料ê部分，Tīⁿ Liân-tek（鄭連德）〈聖誕的記號〉，介紹聖誕鐘、聖誕樹、聖誕星、蠟燭、冬青藤、聖誕花、聖誕老人等kap聖誕節有關係ê記號。Hui-le̍k〈聖誕節信仰美談：意外ê人客〉，喻道故事。Hui-le̍k〈慶祝聖誕節兒童劇〉，提供慶祝聖誕節thang運用ê兒童話劇劇本。祝聖誕ê聖詩3首：〈一切美麗光明〉、〈親愛約瑟〉、〈搖籃歌〉。Tīⁿ Kím-êng（鄭錦榮）〈聖詩tâm-ōa（談話）〉，介紹1首囡仔ê聖詩歌，做聖詩常識ê補充。Hui-le̍k〈兒童說教的指針及分班時的教材〉，12月份ta̍k禮拜日主日學綜合合班禮拜kap分級分班課程教案參考。（文/Bo̍k ilī）