Chit份資料ê內容：頭前是Sim-siaⁿ〈默想〉，詩篇51：10。Koh來是新年相關文章：Chiam Thiam-bo̍k（詹添木）〈新年ê祈禱〉，新年ê祈禱文。Kang Chìn-hoat（江進發）〈恩上加恩〉，新年ê特別講道。繼續是經驗分享文：〈婦人會〉，Kiong-chhoan Keng-hui著，《牧會經驗談》（原名牧會百話）， chit期講：婦人會ê組織kap功能。另外，見證、講道篇章kap諭道故事6篇，Iân-tiân Bí-tin-hiông（淵田美津雄），Lí Lú-bí譯，〈對真珠港到各各他〉，che是1位bat做過日本軍人，現在是1位遊行傳道ê牧師Iân-tiân Bí-tin-hiông（淵田美津雄）ê見證。Gô͘ Hông-chō͘（Un-chō͘ 筆記）〈基督徒ê奧秘〉，Chit篇講道是Gô͘ Hông-chō͘博士tī台南大同基督教會ê專講，檢視你有重頭生抑無？Kám是1 ê真實ê基督徒？試看māi leh，主ê恩典夠額你用。Lōa Jîn-seng（賴仁聲）ê喻道故事，〈Chhē m̄-tio̍h師傅〉，1 ê老農夫ê時鐘因為發條pháiⁿ去，長短針bē kiâⁿ，槌仔bē hàiⁿ，伊就將chia-ê物件pak起來，提去phah鐵店beh修理，師傅講伊tio̍h去chhōe時鐘店修理。Tek-lé，L. L. H.譯，〈只有2 ê細囝〉，見證ê故事。Lú-bí譯，〈San-sek Kun-pêng夫人ê社會生活〉，紹介San-sek Kun-pêng夫人kap伊ê生活見證。編輯室譯，〈見笑致到死〉，喻道故事，教理教示，1名貪污做假帳ê銀行員ê細囝受連累被侮辱、恥笑，見笑致到死；見笑thâi死人，地獄實在是thang見笑ê監獄，你若去地獄，m̄-nā你見笑，也beh連累你ê親人受見笑。其他，Dr. F. B. Meyer，無題名短文1篇。Âng Jîn-hūi翻譯， Tiuⁿ Khun-oán（張崑遠）修改〈甘甜ê溪水〉，對本月號起將《甘甜ê溪水》全本冊連載tī本刊。甘甜ê溪水是對極遠，koh安靜ê所在，慢慢流來ê，chit本冊有積聚古今聖徒ê屬靈經歷；內面有安慰ê話語，復興ê信息，生活ê指導，真理ê亮光，thang做基督徒每日ê靈修手冊，ē-thang供給切切欣慕真理ê人ê需要。最後，福音詩1首，An-kî 編譯，〈我ê心需要你〉。（文/Bo̍k ilī）