Chit份資料ê內容：頭前是Sim-siaⁿ〈默想〉，使徒行傳3：6。Koh來是信徒ê見證，Liông Siù-môe〈主tháu-pàng我〉，chit篇ê見證者是澎湖1位犯tio̍h鬼ê姊妹，受主tháu-pàng了後所寫ê，報人知主奇妙ê tháu-pàng。Sòa落是講經說教，Ông Bêng-tō（王明道）〈1 ê因為giâu-gî上帝ê話來失敗ê人〉，B. H. Lô͘ 譯。接Sòa是喻道故事，〈病兵勇猛〉，教理教示：咱tī患難ê中間服事上帝，就會盡心、盡力，kàu得tio̍h快樂ê時，對tī服事上帝ê代誌就冷去，古早人講ê：活tī患難，死tī安樂。Koh來是經驗分享文：《牧會經驗談》（原名牧會百話），Kiong-chhoan Keng-hui著，1位牧師ê牧會經驗分享，chit期講：頭腦歇睏ê時、牧師ê讀冊房、牧師娘。1 ê傳道者若無講罪ê問題，án-ni就無需要傳道。繼續koh有介紹聖經ê每一本，Iûⁿ Se̍k-lîm（楊石林）〈列王上卷〉，本期介紹舊約聖經列王記ê上卷。以及，喻道故事kap見證文koh 5篇：喻道故事，〈Oh-tit過關〉，愛beh入天國ê人kap入餉關同一樣，凡若有帶私心ê人，的確m̄准伊入，beh入天國ê人若帶奸詐、受氣、驕傲、白賊、貪心ê 、私心ê也是oh-tit過關。〈天堂ê契約書〉。無題名喻道故事：講1 ê女信徒憂愁伊bē-thang得tio̍h救ê掛慮。〈最有利益ê聖經〉。Hūi-bûn譯，〈聖經ê感動力〉，見證故事。喻道故事，L. L. H.譯，〈上帝責罰伊所疼ê人〉，寓言教示：Tī人生ê路程，第一神聖、第一深刻ê喜槳，就是第一大ê悲哀所產生ê。另外，〈閃避嫌疑〉，君子常常謹慎kiâⁿ做避免『瓜仔園、李仔園（瓜田李下）』ê嫌疑。（文/Bo̍k ilī）