Chit份資料ê內容：頭前是Sim-siaⁿ〈默想〉，希伯來11：27。Koh來是Khó͘ Iú-châi（許有才）〈受苦ê新看法〉，教理講解。信徒ê見證，Lîm Chôaⁿ-seng〈上帝ê恩臨到tī罪魁〉，本文是1位少年兄弟tī感化院得救ê見證。接tī下面是編輯室譯 〈人類ê災難iáu-bē soah mah？〉，照聖經ê預言，tī基督降臨地上以前beh有極大ê災難，降臨地上以後世界beh有真ê和平，民族kap民族和好合作。Sòa落是〈改教者路德馬丁〉，10月31日就是路德馬丁改教運動ê紀念日，請大家重視kap反思。喻道故事，An-kî譯〈祢是師傅我是泥塗〉，上帝是燒瓷師傅，基督徒是泥塗受捏造變成ê合用器具。L. L. B.無題名ê小故事1篇。後面是：介紹聖經ê每1本，Iûⁿ Se̍k-lîm（楊石林）〈撒母耳下卷〉，本期介紹舊約聖經撒母耳記ê下卷。Koh 1篇喻道故事，Siú-gû（守愚）〈洗塗尪仔〉，1 ê囡仔想beh kā塗尪仔粉白ê面ê污點用水洗清氣，soah 愈洗愈驚人；基督徒beh洗清ka-kī只有1條路，就是信主耶穌得ti̍oh伊kā咱變化做新創造ê人才有ǹg望。接落去是L. L. B. 對「Siú-bōng」翻譯，〈佈道kap兒童〉，兒童佈道ê法度。見證文，〈反對者chiâⁿ證明者〉。後面是Chan Teng-iông譯〈聖經kap 3 ê英國人〉，Tī英國ê歷史上有3 ê大君王公開承認上帝ê話，koh將基督教做國教；就是tī A-ní-hut-lia̍t（Alfred the Great）、Í-lī-sa-pek（Qoeen Elizabeth）、Ûi-to-lī-a（Qoeen Victoria）ê 時代。最後是〈入上帝國ê人〉，beh入天堂第一要緊ê資格，就是做基督徒，m̄是在tī你是屬sím-mi̍h教派ê會友。（文/Bo̍k ilī）