Chit份資料ê內容：上頭前是Sim-seng〈默想〉，約翰16：33。第二是Iûⁿ Se̍k-lîm（楊石林）〈我beh賜福hō͘ lín〉，Lí Lú-bí筆記，講道篇ê記錄。Koh來是Sòng Siōng-chiat（宋尚節）ê講章〈持防假先知〉，本文teh探討猶太書，因為啟示錄是teh講主ê koh來，總是tī主iáu-bē來ê以前，要緊tio̍h持防假先知，所以猶大書chit本冊排tī尾後第二本，特別寶貝。接落去是Tēⁿ Kó〈刺仔內ê百合花〉，Un-chō͘ 對Seng-bēng譯，百合花雖然生tī刺仔內，卻無hō͘刺仔所同化，伊kap刺仔有分別；che表示基督徒雖然tī世間人ê中間；卻tio̍h對世間人ê中間分別出來；百合花tī刺仔內顯出伊ê潔白，表明基督徒tī罪人中m̄願犯罪，是願追求聖潔；基督徒tī世間人ê中間tio̍h ài愛親像百合花tī刺仔內發出基督ê芳味。後面是人物介紹，〈Iâ-tek-sùn〉，頭1 ê對美國去緬甸傳道ê宣教師，Iâ-tek-sùn（就是Adoniram Judson，1788～1850）ê 記事kap 宣教事蹟。Sòa 接是Sòng Siōng-chiat（宋尚節）講1篇無題名ê喻道故事。Kap 1篇無題名ê教理短文。後面見證文，Tō͘ Siù-hôa〈主chhōa我ê路〉，作者是1位傳道師對香港神學院畢業了後，去馬來亞傳道，koh kap 1位英國牧師結婚繼續伊獻身傳道ê生涯ê見證。另外，教義反省短文，〈你bat付siáⁿ代價？〉。喻道小故事，〈鉸刀抑是柑仔〉。連載ê 文章，Charles M. Seldon作，Chiu Lī-an編譯，〈若是主beh cháiⁿ-iūⁿ 做？〉(10)，本文講到第十章：因為基督也為lín受苦留模樣hō͘ lín，beh hō͘ lín tè伊ê跤步。最後是1篇見證短文〈傳單救人〉。Kap 1篇無題名ê教理短文。（文/Bo̍k ilī）