Chit份資料主要目錄有7篇：Iûⁿ Sek-lîm（楊石林）〈上帝鑑察我〉，將來上帝beh照逐人所行所來審判，絕對袂誤判、枉曲，因為伊已經詳細鑑察咱。I. C. H. 譯〈極奇妙ê能力〉，美國奮興家Hui-ní先生所經驗ê故事，bat有1个生活真烏暗ê人來問Hui-ní先生，像伊chit款ê人iáu有ǹg望無？ Hui-ní先生一再kā伊講：上帝講基督耶穌ê血會洗除咱ê罪；了後，chit人轉去破壞一切歹ê物（酒店、poa̍h-kiáu間），也完全對心底改變ka-kī來信主，chiâⁿ做見證。編輯室〈有聽細囝ê祈禱〉，1个受家暴重傷ê囡仔tī ka-kī所吟ê祈禱詩：「親愛主耶穌，tī平安ê聖城，留一位hō͘你細囝」，過身得安息。編輯室〈介紹聖詩第39首：有一个城，離咱真遠，有山tī hit城外〉。G. H. Chiu 〈P. K. U. ê再檢討〉，對南台灣教會現況提出倍加運動ê再檢討。編輯室〈因為按呢自殺〉，人koh khah功成名就，心內若無上帝，一切lóng歸tī空虛。〈慾望ê工錢〉，好款待天使ê散赤夫婦，歹款待天使ê員外夫婦，lóng得3个願望，結果真koh-iūⁿ。其他短文：〈ka-kīm̄表白〉、〈講白賊〉。畫1幅。聖經答案：〈路得記〉、聖經問題：〈撒母耳上卷〉。（文/Bo̍k ilī）