Chit份資料有文章5篇、歌詩1首、故事3篇、短文4篇、畫1幅。其中，編輯室〈祈禱m̄-thang厭〉，J. Wibur Chapman所講ê見證：Tio̍h常常祈禱，m̄-thang厭。譯作〈鼻〉，鼻ē分別芳臭，屬靈ê鼻gâu分別好歹，基督徒ài ē-hiáu曉分別siáⁿ-mih出tī上帝，siáⁿ出tī魔鬼。T. T. S.〈Tī天nih ê歡喜〉，世間萬事有一日lóng beh soah，只有天nih ê歡喜快樂是永遠。編輯室〈Ǹg望醫好心悶〉，人將歡喜chng外表，愁苦藏心內，心無平安，外表ê快樂真虛假；主講伊有真ê平安beh hō͘咱安息kap歡喜。介紹聖詩第42首：〈救主tī墳墓內，耶穌我救主〉。故事3篇，〈1个美術家kap 1个sì-kè漂流ê女子〉，美術家kap漂流ê女子saⁿ tú遇ê故事。〈人到底欠用sím-mih？〉，1个死刑犯欠用ê m̄是食物、絲綢、黃金，是ē得自由ê特赦令；若beh去地獄ê人，「伊欠用sím-mi̍h！？」。〈竟然按呢落台〉，一位大富翁逐項齊備，m̄-koh心靈空虛，soah跳海結束人生；若是咱，beh按怎落人生ê舞台。歌詩，Iûⁿ Sek-lîm（楊石林）譯〈你孤單mah？〉。短文：〈有真抑無真〉、Iok-hān Su-bi̍t-su〈基督徒應該有感覺〉、Ta̍t-pí〈Kap上帝saⁿ-kap讀〉、〈罪〉。聖經答案：〈約書亞〉、聖經問題：〈士師記〉。（文/Bo̍k ilī）