Chit份資料主要目錄7篇：Iûⁿ Sek-lîm （楊石林）〈羊羔ê血bōe-ōe除去罪〉，羊羔ê血kap行洗禮ê水是表明耶穌ê寶血nā-tiāⁿ，罪beh得赦免，tio̍h倚靠耶穌ê寶血。編輯室譯Dr. F. E. marsh〈銅ê釘仔〉，馬博士分享一位青年因為小過錯，良心ná像受銅釘仔刺chha̍k ê痛疼，認罪了後，就得平安。Os ald J. Smith〈1个拒絕赦罪ê人〉，1位死刑犯拒絕kap總督面會，錯失死罪被赦免ê機會。Iûⁿ Sek-lîm（楊石林）〈罪惡是祈禱ê阻礙〉，若是向上帝認罪來改變，就會得憐憫赦免，耶穌beh洗除伊罪，按呢才會堪得祈禱。Chu S. B.〈為主受苦〉，基督徒是世上ê光、地上ê鹽，保羅所受ê苦難m̄是為ka-kī，是為tio̍h疼人、拯救人，伊teh活是為基督，受苦亦是為主受；將靈魂交託主，伊會保守所交託伊ê。〈1位生理人ê見證〉，Lîm Gī-bō͘ 譯，就是teh講美國生理人Stanley Tam 規个公司lóng交hō͘上帝ê見證。〈1个清教徒ê夢〉，Chiu Lō͘-tek（周路得）譯。查某囡仔夢見天使提靈性成長量尺teh量人ê靈性增長程度，koh記tī冊，眠夢ê查某囡仔得tio̍h上最短ê。其他有：畫1幅，〈神ê囝若hō͘ lín自由，lín就真正自由〉。短文2篇，〈無題名〉、〈講「M̄」〉。聖經問題：創世記。介紹聖詩第16首，An-kî〈境遇好歹是主所定，上帝teh照顧你〉。公告1條：報讀者知。歌詩1首〈主ê疼滿足我心〉。聖經問答：創世記。（文/Bo̍k ilī）