Chit份資料有文章18篇、囡仔古1篇、歌詩1篇、插花譜3篇、食譜3篇、其他1篇。內容有：Tân Kim-jiân（陳金然）〈日日換新〉。Au Chìn-an（歐進安）〈真實ê信徒〉。Iûⁿ Sū-ióng（楊士養）〈聖經kap基督徒〉。Gô͘ Bōng-lîn〈幸福ê家庭〉。Goa̍t-san（月山）〈容忍〉。其中Iû Chèng-gī（尤正義）〈家庭歌〉，1篇羅漢對照ê歌詩，提倡家庭和睦，序大序細相疼順服，起造基督化家庭。Lîm Iàn-chhun（林燕春）〈囡仔ê生活kap音樂〉，音樂是心傳心ê實際語言，所以人生頭一步tio̍h ài有音樂教育，囡仔生活ē-tàng分做旋律靜聽期、節奏ê生活時代kap幼稚園時代，幼稚園囡仔模仿力強，天真活潑，音樂是表現in ê言語，tī純情音樂中培養出：共同、調和、友愛ê情感，唱m̄對調、歌詞，m̄免著急糾正，mā m̄-thang用大人ê權勢去壓制囡仔ê自尊心，hō͘ in thang快樂成長。Koh來是Sng Hông-tìn（孫鴻鎮）〈服務kap友誼〉。Lîm Sûi〈我ê見證〉。〈想beh講ê話〉。囡仔古，Lâu Tēng-hôa（劉定華）〈一个老實ê囡仔〉，阿惠ê故鄉因為天災造成飢荒，1个老阿公告示beh發送饅頭，別人cheng頭破額相爭搶食，阿惠lóng無計較，soah發見伊ê細粒饅頭有包金仔角，誠實提去還，老阿公講che是beh hō͘誠實ê囡仔ê禮物。另外，漢字書寫有：杜英助ê〈一個從小就盲目的女詩人〉，是teh紹介女詩人芳麗．葛樂斯卑（Fanny Crosby），伊雖罔自細漢就無看見，m̄-koh m̄-bat餒志失心，顛倒創作8千幾首激勵人心ê詩作，也有幾若首收編tī聖詩nih。其他有許牧世〈基督徒有什麼長處?〉。洪振輝〈從「瞭解」來「教育」青年〉。陳勝政〈惡補與近視〉。蔡錦淑〈料理〉。戴吳丁妹〈插花〉。（文/Bo̍k ilī）