Chit份資料有：文章11篇、囡仔古1篇、插花譜1篇、食譜3篇、公告1條。主要ū：Khó͘ Bo̍k-sè許牧世〈感恩kap見證〉。N̂g Bú-tong（黃武東）〈凡所掛慮ê交付伊〉。Tân Kim-jiân（陳金然）〈撒勒法ê寡婦〉。Tân K. Ch〈你hō͘ in食〉。Tō͘ Eng-chō͘（杜英助）〈啟蒙期兒童ê特徵〉。Iûⁿ Sū-ióng（楊士養）ê名人傳記本期紹介〈Chu Iok-an（朱約安）姑娘〉，1885-1917年在台宣教，代先tòe李庥牧師做工，真致意女子教育，koh創設婦學、助產傳教，也開設女師會幫贊傳道先生娘，奮興教會事工，勤巡教會，教讀白話字、看聖冊，1931年別世。兒童樂園：囡仔古，Âng Ngá-hūi （洪雅惠）〈Tī感恩節ê時〉，1个孤身ê老阿伯kap一群小學生結做好朋友，相約tī感謝節beh去參加學校ê感謝禮拜，如果老阿伯失約；每一位學生lóng準備1項ka-kī收成ê物件做感謝奉獻，就提去探訪阿伯，原來阿伯破病倒床chiah失約無來，同學ê探訪溫暖阿伯孤單ê心，師生也過一个有意義ê感謝節。漢字ê文章：許牧世〈感恩和見証〉。鄭慧惠〈心理學諸問題〉。蘇天〈基督徒生活的原則〉。潘衡對Matt Christopher譯作ê 〈玩命記〉，講「唐」本底真無膽ê青少年，無經驗竟然koh kap 2个同伴去peh山，同伴差一點仔失手跋落山崁，佳哉「唐」全力將in 2个拖牢leh，chhōe tio̍h跤踏ê所在chiah得救，事後失和ê爸母也因為chit件事來和好，koh回復3人家庭。Koh來是公告。洪伯宗〈我們所造成的氣氛〉。蔡錦淑〈料理〉。戴吳丁妹〈插花〉。（文/Bo̍k ilī）