Chit份資料內容有文章10篇、遊戲2篇、消息2條、連載小說1篇。編輯室寫〈序言〉以外koh譯作有5篇：〈錶仔ê故事〉、〈兄弟相疼ê故事〉、〈鄉村遊戲〉、〈你ê家庭幸福mah？〉，其中〈家庭親像花園〉，講家庭是由夫妻kap細囝組成，將家庭比做花園，夫妻是園丁，感情是花蕊，beh開媠ê花，園丁tio̍h ài同心一意，殷勤沃水、khau草、掘鬆、èng肥，koh ài注意外來ê強風暴雨，合齊相愛、相助、相諒，和好同心栽培細囝，建立基督化家庭。另外有兒童故事〈兄弟相疼ê故事〉，講到兩兄弟分開 tòa tī山谷ê東pêng kap西pêng，有一冬遭受大風颱，致使農作物欠收，兄弟2人lóng想tio̍h對方ê需要，分別趁暗暝giâ 1包粟去倒對方ê粟倉，隔日lóng發現ka-kī ê粟仔lóng無減少，hit暗koh 再giâ 1包beh去對方hia，soah tī半路相遇，兄弟四目相對，感動講：有按呢好ê兄弟真是福氣。連載小說，Lōa Jîn-seng （賴仁聲）〈刺仔內ê百合花〉。（文/Bo̍k ilī）