Chit份資料內容有文章7篇、歌詩1首、遊戲2篇、連載小說1篇。〈序言〉了後有：歌詩1首，〈最初歡喜ê聖誕夜〉。教理文章：So͘ Hūi-chin （蘇蕙蓁）〈伊kàu ka-kī ê所在〉。翻譯文章，〈耶穌kap世界〉。證見：Thêng A-gio̍k〈三個證人〉。Gô͘ Chúi-thoah〈早起時ê祈禱〉。其中譯作：Âng Hù-bí （洪富美）〈呂底亞〉，是紹介「呂底亞」是推雅推喇城賣紫色布ê女性seng-lí人，伊聽保羅講道了，明瞭保羅所講ê福音，留保羅tī i ê厝，後來i成為第一个女基督徒，m̄-nā帶領全家洗禮，koh hō͘伊ê家庭變成1个宣教ê所在。家庭幸福：〈教子一方〉是編輯室摘譯ê文章，是一寡爸母育囝ê經驗分享，有囡仔性情ê處理方式、家務工課分派辦法、囡仔衛生ê教育、課業結合生活實務kap對囡仔ê「性ê教育」，筆者特別提醒性ê教育ê重要性，建議爸母tio̍h kap囡仔親像朋友，hō͘ in無隱瞞祕密，ē kap爸母參詳問題，爸母提供妥當ê資料kap意見來指導in。連載小說，Lōa Jîn-seng （賴仁聲）〈刺仔內ê百合花〉。（文/Bo̍k ilī）