Chit份資料內容有文章12篇、劇本1篇、遊戲2篇、其他1篇、連載小說1篇。所刊載ê文章有編輯室ê〈序言〉，koh有khah濟是第三屆夏期靈修會ê專講，抑是靈修ê講章kap讀經分享；有2篇講題So͘ Jio̍k-lân（蘇若蘭）kap Tiuⁿ Khun-oán （張崑遠）lóng是〈聽道kap行道〉，也就是本期ê主題；另外有：Gô͘ Lîm Siù-hūi〈盡忠ê管家〉、Tân Siau Bí-chu〈為主來活〉、Tīⁿ Liân-bêng （鄭連明）〈雅各書：信仰kap行為〉、N̂g Gô͘ Lâi-hó （黃吳來好）〈婦人人ê氣力〉、Lîm Tân Jî-gio̍k〈亞伯拉罕ê成功〉。靈修：Ô͘ Bō͘-seng （胡茂生）〈做婦人人ê再反省〉、Má Âng Ú-eng （馬洪宇英） 〈異象〉、Kang Lîm Kim-tēng〈信徒ê記號〉、Gô͘ Tī〈Tī 加利利ê海上〉。另外，有Má Âng Ú-eng （馬洪宇英） 編作ê話劇〈疼kap赦免〉；聖劇：腓利門（獨幕），講1个做奴僕ê O-nî-se-a不滿無自由、無享樂ê現況，決意beh逃走，koh偷提伊主人腓利門ê 1箱珠寶，逃走到羅馬，tī hia錢開了，落魄連回，良心譴責，保羅勸伊轉去向主人認罪；O-nî-se-a tńg去歌羅西誠心向主人認錯請罪，得主人赦免，疼心款待ná兄弟。是一齣宣揚基督疼kap赦免ê宗教話劇。連載小說，Lōa Jîn-seng （賴仁聲）〈刺仔內ê百合花〉。（文/Bo̍k ilī）