Chit份資料是全台女宣合一ê特刊，有文章6篇、公告2篇、食譜12篇、消息7條。處長Tân Siau Bí-chu（陳蕭美珠）tī〈序言〉Ǹg望這ê月刊會取得全體響應，加添力量來發揮女宣道會ê使命，達宣教目的。〈女宣道處公告〉，決議第五項《女宣月刊》對1960年正月起聯合發行，託南部月刊編輯部負責白話字版，北部文書組譯做國文版。接sòa是〈女宣道處台北連絡部事工活動簡章〉。靈修部速記Khó͘ Heng-jîn （許興仁）ê講題〈我tio̍h cháiⁿ-iūⁿ做〉，本文有分享英國kap美國婦女事工ê經驗。宣揚部記錄An Bō͘-lí（安慕理）〈教會ê見證對現代時勢〉ê 講道。探訪部記錄ê是Chiong Chú-sî（鍾子時）〈教會kap女宣〉，女宣是tī教會ê體制nih，一群女性teh報答「主恩」運動，用所有ê來服事、來傳、來疼基督，所以女宣kap教會有真大ê關係。服務部所記是Tân Siau Bí-chu（陳蕭美珠）主理ê開會禮拜〈基督徒ê使用〉。家庭部：Hôa Jîn-ài（華仁愛）〈囡仔ê衛生〉，指導老母顧嬰仔、囡仔ê法度，幫助in長成khah順sū、健康。（文/Bo̍k ilī）