Chit份資料ê內容有：卷頭詞：Tiuⁿ Hông-chhiong（張逢昌）〈咱ê目標〉，tī 9月13 ê教育處理事理會有做出教育目標ê決定，就是：「基督教教育ê目標是引chhōa人體驗上帝ê疼，接受耶穌基督做救主，koh倚靠聖神ê幫贊進入tī教會生活實行基督徒ê本份」。Koh來是講座2篇：有Gô͘ Chheng-ek（吳清鎰）〈舊約聖經各卷的總論—第十一章：歷代志上下卷〉，本文用：1.本書ê名稱、2.本書ê性質kap目的、3.本書ê內容區分等主題來做導讀。Lîm Gio̍k-tiân（林玉田）〈新約聖經各卷的總論—第十章：哥林多後書〉，用：I.目屎ê批信、II.寫後書ê事情、III.目的kap特色、IV.內容概要，chia-ê主題來做介紹。接落去是〈幼稚科〉kap〈兒童禮拜〉ê禮拜指導：〈幼稚科〉由幼稚教育小組編寫，chit期總題：「上帝ê世間」，總目的：「幫贊小朋友明白che就是上帝ê世間，hō͘ in m̄免驚惶；Ta̍k禮拜ê教材教案有：目的、材料（包括聖經、聖詩、其他教材準備）、引起動機、故事、故事後ê活動等設計。〈兒童禮拜〉ê部份是：「金句ê故事」，由Lōa等幾位負責編寫，ta̍k禮拜ê教案有：金句、聖詩、聖經、講道抑是故事。分科ê教材：分做〈初級〉kap〈高級〉2 ê科班，ta̍k禮拜〈初級〉ê課程教案大約有設：題目、聖經、目的、Kàu-ōa（就是課程ê進行）；〈高級〉ê用1段聖經（經文）來進研究kap討論。繼續是成人家庭教育科2篇：Ông Sêng-chiong（王成章）〈拯救kap恩典〉，教理ê講解，上主有疼ê恩典行動表現，咱chiah ē得tio̍h拯救。Ko Hâu Chheng-liân（高侯菁蓮）〈工作ê分配〉，講起上帝是工作ê分配者，也是靈性ê指導者；家庭、細囝是上帝所交代kap祝福ê，所以基督徒tio̍h為上帝來做好koh盡忠ê管家。最後是T. H. C.（張逢昌）〈感謝節〉，年尾收冬ê感謝，咱若ē-thang好好活用chit-ê機會來tī主日學教育是真有意義。（文/Bo̍k ilī）