Chit份資料ê內容有：卷頭詞：Tiuⁿ Hông-chhiong（張逢昌）〈生產ê艱苦〉，保羅傳道ê艱苦，tio̍h像生產ê艱苦，總是伊tī hia chiah經驗tio̍h為主活ê意義kap快樂；咱為tio̍h每1 ê細囝經驗ê艱苦也beh án-ni，咱tio̍h艱苦kàu後來值得受安慰kap歡喜；Ǹg望咱用chit-ê心志來努力tī主日學ê工。Koh來是講座2篇：1篇是Gô͘ Chheng-ek（吳清鎰）〈舊約聖經各卷的總論—第八章：路得記〉，本文用：「1.本書ê名稱、2.本書ê內容、3.本書ê特色、4. 本書ê目的」等主題來做導讀。另外1篇是Lîm Gio̍k-tiân（林玉田）〈新約聖經各卷的總論—第七章：保羅書信〉，有：「I.保羅書信ê順序kap產生ê時期、II.保羅文書ê性質kap目的、III.保羅批信ê重要性」chit幾主題來做介紹。接落去ê禮拜指導：分做〈幼稚科〉kap〈兒童禮拜〉；〈幼稚科〉由幼稚教育小組編寫，chit期總題：「快樂ê教會」、總目的：幫贊兒童明白in對拜堂有特權kap責任，ta̍k禮拜ê教材教案有：主題、目的、材料、引起動機、故事、故事後ê活動等設計。〈兒童禮拜〉ê部份是：「金句ê故事」，由Lōa、S. K.等負責編寫。分科ê教材：分〈初級〉kap〈高級〉，ta̍k禮拜〈初級〉ê課程教案有：題目、聖經、教ōa；〈高級〉ê用1段聖經（經文）來進行研究kap討論。繼續是成人家庭教育科2篇：Keh Hô-lia̍t（郭和烈）〈聖囝〉，教理釋義，使徒信koh傳耶穌是聖ê，siâng時也信耶穌是上帝ê囝；對聖經干證，耶穌是「上帝ê聖ê」，也是「上帝ê囝」，所以伊是「聖囝」；咱信聖Pē，也信聖囝，tī聖囝上帝啟示伊本身，tī聖囝上帝贖咱ê罪，hō͘咱有永遠ê活命。Gô͘ Chheng-ek（吳清鎰）〈夫婦間的調和〉，接前月57面，chit期sòa落去談論「夫婦間cháiⁿ-iūⁿ thang得tio̍h調和」。最後是台灣教會公報社〈介紹夏季學校白話字教材〉 。（文/Bo̍k ilī）