Chit份資料ê內容有：卷頭詞：Tiuⁿ Hông-chhiong（張逢昌）〈時代，老母，教會〉，本月有青年週、母親節、家庭週，請咱珍重青年，感謝老母，為tio̍h家庭基督化來祈禱，同時也用宣道ê精神來chhōa細囝tī基督，hō͘ in ē tī chit-ê危險ê時代中，thang得tio̍h tī安慰ê石磐頂khiā起。Koh來是講座2篇：1篇是Gô͘ Chheng-ek（吳清鎰）〈舊約聖經各卷的總論—第五章：申命記〉，本文用：「1.本書ê名稱、2. 本書ê目的、3. 本書ê內容區分、4.本書ê性格、5.本書ê強調點 」等主題來做導讀。另外1篇是Lîm Gio̍k-tiân（林玉田）〈新約聖經各卷的總論—第四章：路加福音傳〉，有：「I.著者、II.時間kap地點、III.讀者、IV.目的、V.特色、VI.內容ê概要」chit幾主題來做介紹。接落去ê禮拜指導：分做〈幼稚科〉kap〈兒童禮拜〉；〈幼稚科〉由幼稚教育小組編寫，ta̍k禮拜ê教材教案有：主題、聖經、聖詩、準備、目的、引起動機、故事、課後活動等設計。〈兒童禮拜〉ê部份是：「金句ê故事」由Lōa Jîn-seng（賴仁聲）、Âng Siok-kheng等負責編寫。分科ê教材：〈初級〉ê部份是So͘ Hūi-chin（蘇蕙蓁）編寫，〈高級〉ê部份由Chiong Bō͘-sêng（鍾茂成）負責，ta̍k禮拜〈初級〉ê課程教案有：題目、聖經、目的、教ōa、喻道故事；〈高級〉ê用1段聖經（經文）來進行研究kap討論。後面是中文書寫ê〈T.K.C.例會指導〉，由中國主日學協會所編寫。繼續是成人家庭教育科2篇：Gô͘ Chheng-ek（吳清鎰）〈基督教ê家庭觀〉，用以下幾點做勉勵：1.對聖經來理解家庭是sím-mi̍h；家庭是上帝所計畫，是上帝所祝福ê；2.家庭ê目的是男、女ê配合達kàu理想ê互助，為完成所受交託ê使命；3.家庭ē供給物質上kap精神上ê需要；4.家庭tio̍h認bat上帝，家庭tio̍h用宗教做中心，tio̍h做宗教ê中心；5.家庭ê性質，家庭kap結婚有真大ê關係；Tio̍h有永久不變ê生活，tio̍h有基督ê疼，tio̍h有ǹg上帝ê發展。Gô͘ Chín-chhun（吳震春）〈基督徒ê結婚〉，基督徒對結婚所抱ê信念是ka-kī ê，m̄免對別人要求，基督徒結婚ê道德是beh用事實來表示tī世間，m̄是用chhùi；2 ê完全無kāng款ê人，beh一生chòe-tīn是真無容易ê 代誌，若tú-tio̍h艱難ê時，tio̍h懇求上帝幫贊咱，因為咱tio̍h做地上ê鹽kap光，應該tio̍h做好模樣tī眾人ê面前。最後是〈消息〉2條kap Tiuⁿ Hông-chhiong（張逢昌）〈編者ê話〉。（文/Bo̍k ilī）