Chit份資料ê內容有：卷頭詞：Tiuⁿ Hông-chhiong（張逢昌）〈讀聖經〉，tio̍h謙卑心來讀聖經、就近主，thang清楚上帝ê旨意。Koh來是講座2篇：1篇是Gô͘ Chheng-ek（吳清鎰）〈舊約聖經各卷的總論—第三章：利未記〉，本文用：「1.本書ê名稱、2. 本書ê目的、3. 本書ê內容、4.本書ê特性、5.本書ê重點」等主題來做導讀。另外1篇是Lîm Gio̍k-tiân（林玉田）〈新約聖經各卷的總論—第三章：馬太福音傳〉，有：「I.著者、II.時間kap地點、III.目的、IV.特色、V.內容ê概要」chit幾主題來做介紹。接落去ê禮拜指導：分做〈幼稚科〉kap〈兒童禮拜〉。〈幼稚科〉由幼稚教育小組編寫，ta̍k禮拜ê教材教案有：主題、目的、材料（聖經、聖詩、（尪仔）圖）、引起動機、故事、課後活動等設計。〈兒童禮拜〉ê部份是：「金句ê故事」由E. J. K.、Lōa Jîn-seng（賴仁聲）、S. K等幾位負責編寫。分科ê教材：〈初級〉ê部份是Ông Lâm-kiat（王南傑）編寫，〈高級〉ê部份由Chiong Bō͘-sêng（鍾茂成）負責，ta̍k禮拜〈初級〉ê課程教案有：題目、聖經、目的、教ōa；〈高級〉ê用1段聖經（經文）來進行研究kap討論。後面是中文書寫ê〈T.K.C.例會指導〉，由中國主日學協會所編寫。繼續是成人家庭教育科：Tân Sù-tī（陳泗治）〈未婚青年男女ê交陪〉，關係青年男女ê交陪，作者個人khah贊成團體te̍k ê行動，盡量避免只有2人ê機會，抑是暗時出去ê機會；提醒教會青年tio̍h求主引chhōa kap幫贊，tio̍h hō͘ chit段過程變做人生中神聖ê 1頁，hō͘主賜福。研究：Iâu Chèng-tō（姚正道）〈猶太ê風俗kap習慣（13）〉，chit期紹介「旅行」，講tio̍h：「I.路程測定法；II.旅行用ê精牲；III.旅行ê習慣；IV.客舍」chit幾項。最後是〈消息〉3條kap Tiuⁿ Hông-chhiong（張逢昌）〈編者ê話〉。（文/Bo̍k ilī）