Chit份資料ê內容有：卷頭詞：Tiuⁿ Hông-chhiong（張逢昌）〈Tio̍h kiâⁿ〉，tī新ê 1960年開始，咱tio̍h進前，tio̍h努力ǹg所插ê標來跑走，tio̍h kiâⁿ，m̄是khiā teh想，tio̍h tè kiâⁿ tī頭前ê耶穌來kiâⁿ。Koh來是講座2篇：1篇是Gô͘ Chheng-ek（吳清鎰）〈舊約聖經各卷的總論—第二章：出埃及記〉，本文用：「1.名稱、2.本書ê目的、3.本書ê內容（有：I.序論、II.契約ê準備、III.契約ê規定、IV.契約ê永存）」等主題來做導讀。另外1篇是Iâu Chèng-tō（姚正道）〈猶太ê風俗kap習慣（12）〉，chit期紹介「時ê區分」，有講tio̍h：「I.時日ê區分；II.星期ê區分；III.月ê區分；IV.猶太人ê曆日」chit幾項。接落去ê禮拜指導：分做〈幼稚科〉kap〈兒童禮拜〉。〈幼稚科〉由幼稚教育小組編寫，ta̍k禮拜ê教材教案有：主題、目的、材料（聖經、聖詩、（尪仔）圖）、引起動機、故事、課後活動等設計。〈兒童禮拜〉ê部份是：「金句ê故事」由E. J. K.、L. J. S.（賴仁聲）、S. K等幾位負責編寫。分科ê教材：〈初級〉ê部份是Ông Lâm-kiat（王南傑）編寫，〈高級〉ê部份由Chiong Bō͘-sêng（鍾茂成）負責，ta̍k禮拜〈初級〉ê課程教案有：題目、聖經、目的、教-ōa；〈高級〉ê用1段聖經（經文）來進行研究kap討論。後面是中文書寫ê〈T.K.C.例會指導〉，由中國主日學協會所編寫。繼續是成人家庭教育科：Khó͘ Iú-châi（許有才）〈四正ê結婚觀〉，作者用「I.婚姻ê神聖、II.婚姻是需要ê、III.結婚ê前提、IV.結婚ê條件、V.結婚ê目的」幾點來談論基督徒建設基督化家庭應有ê結婚觀。最後是Tiuⁿ Hông-chhiong（張逢昌）〈編者ê話〉。（文/Bo̍k ilī）