Chit份ê內容有：卷頭詞：Tiuⁿ Hông-chhiong（張逢昌）〈寫給各位主日學老師的一封信〉，做老師tio̍h致意ka-kī ê靈修，koh tio̍h 出力研究，諸位牧長、以及教會當局也tio̍h注意，tio̍h好勢來養成好ê老師來服務主日學，主日學教員tī教會若像採蜜ê勞動蜂，tio̍h珍惜，也願各位主日學老師同工自重、自愛、努力無ià-siān，來盡lín應走ê路程。繼續是教員養成講座4篇：（1）Tīⁿ Liân-bêng（鄭連明）〈基督傳（4）〉，耶穌基督ê傳記，接前號第13面，chit期講第3章：準備ê最後階段，分做「I.靜靜ê成長；「II.受洗禮；III.受試」3階段來講。（2）Lîm Gio̍k-tiân（林玉田）〈保羅（9）〉，接7月號第9面，chit期繼續講（二）福音kap律法ê at-le̍k（軋轢）：「IV.受召做使徒ê保羅」。（3）Iâu Chèng-tō（姚正道）〈猶太ê風俗kap習慣（8）〉，chit期接頂月號sòa落去講：「住」ê部份，有講tio̍h：「I.種類；II.材料；III.構造；IV.燈火」chit幾項。（4）Tiuⁿ Hông-chhiong（張逢昌）〈國校時代的兒童心理〉（待續），接7月號第22面，chit期teh講關係智識ê發達所需要ê心理tek作用。論說: Gô͘ Kong-bêng（吳光明）〈基督徒ê進步〉，基督徒ê進步tio̍h tī基督教ê信仰內面chiah ē得tio̍h真ê活命；基督教信仰tio̍h ài tiàm-tī 進步內面chiah ē得tio̍h真ê路、真理、活命ê耶穌基督。Koh來是主日學ê教材：N̂g Ka-sēng（黃加盛）〈兒童講道的指針及分班時的教材〉，教案內容大約有：目的、金句、禮拜（內容）：聖經、題目、講道，分班課程：聖經、教ōa；8月份ta̍k禮拜主日學ê課題是：8月2日：〈約伯ê反悔〉；8月9日：〈空虛抑是得勝〉；8月16日：〈上帝堅固bōe î-e̍k ê 疼〉；8月23日：〈獅穴中ê但以理〉；8月30日：〈賞賜新ê神hō͘換新ê百姓〉。後面是消息：Tiuⁿ Hông-chhiong（張逢昌）〈撒瑪利亞人〉，簡介撒瑪利亞人。中國主日學協會編ê〈T. K. C. 例會指導〉，中文書寫。最後是〈編者ê話〉。（文/Bo̍k ilī）