Chit份ê內容有：卷頭詞：Tiuⁿ Hông-chhiong （張逢昌）〈記(紀)念母親節〉，母親節禮拜kap活動ê建議。Koh來是主日學ê教材：Tiuⁿ Hông-chhiong （張逢昌）〈兒童說教的指針及分班時的教材〉，教案內容大約有：目的、金句、禮拜（內容）：聖經、講道，了後分班課程：聖經、教ōa；5月份ta̍k禮拜主日學ê課題是：5月3日：〈以色列王大衛〉；5月10日：〈拿單kap大衛〉；5月17日：〈所羅門ê統治〉；5月24日：〈王國分裂〉；5月31日：〈以利亞，上帝ê戰士〉。繼續是教員養成講座4篇：（1）Bí Te̍k-lí（彌廸理）〈舊約入門（6）〉（待續），接4月號第11面，chit期beh講讀舊約oh得理解ê困難。（2）Tīⁿ Liân-bêng（鄭連明）〈基督傳〉，耶穌基督ê傳記。（3）Iâu Chèng-tō（姚正道）〈猶太習慣kap風俗（5）〉，chit期接頂月號sòa落去講：「衣」ê部分，有講tio̍h：「I.衣服ê起源；II.衣服ê材料；III.衣服ê種類；IV. 衣服ê色緻；V.婦人服；VI.喪服；VII.禮服、公服；VIII.祭司服」chit幾項。（4）Lîm Gio̍k-tiân（林玉田）〈保羅（7）〉，接4月號第7面，chit期繼續講（二）福音kap律法ê at-le̍k（軋轢）：「II. 伊kàu ka-kī ê所在，也ka-kī ê人m̄接納伊」。後面是〈消息〉，Khu Beng-tiong（邱明忠）公告「道德教育」ê課程。Tīⁿ Kím-êng（鄭錦榮）〈介紹母親節ê歌〉，紹介Mrs. Frank A. Breck作詩 , H. I. Gilmour作曲ê "Though Far you may stay" chit首詩ê台譯版。最後是Tiuⁿ Hông-chhiong（張逢昌）〈編者ê話〉。（文/Bo̍k ilī）