Chit份ê內容有：卷頭詞是教育處長Chiā Chài-seng（謝再升），用〈新進展〉為題勉勵，總會有ke成立基督教教育研究會，ǹg望主施恩tī咱所做ê工作ē-thang利益基督教教育koh khah進步。繼續是教員養成講座4篇：（1）Lîm Gio̍k-tiân（林玉田）〈保羅（6）〉，接2月號第7面，chit期繼續講（一）福音kap律法ê at-le̍k（軋轢）：「I.選民ê簡史」。（2）Bí Te̍k-lí（彌廸理）〈舊約入門（5）〉（待續），接8月號第6面，chit期beh討論關係舊約幾部份低道德ê事。（3）Iâu Chèng-tō（姚正道）〈猶太慣俗〉，chit期sòa落去講：「嬰孩」講tio̍h：「1.產婆；2.生囝ê歡喜；3.號名；4. Kat-lé（割禮）；5.產婦ê清氣；6.獻大囝；7. Tn̄g-leng（離乳）」chit幾項。（4）Tiuⁿ Hông-chhiong（張逢昌）〈國校時代的兒童心理〉（待續），本文先探討「1.Chit ê時代ê特質」，對幼兒期講kàu入學，家庭生活kàu社會生活ê擴大。Koh來是主日學ê教材：Tiuⁿ Hông-chhiong （張逢昌）〈兒童說教的指針及分班時的教材〉，教案內容大約有：目的、金句、禮拜（內容）：聖經、講道，了後分班課程：聖經、教ōa；4月份ta̍k禮拜主日學ê課題是：4月5日：〈撒母耳做士師〉；4月12日：〈以色列頭chi̍t ê王〉；4月19日：〈掃羅悽慘ê失敗〉；4月26日：〈大衛ê興起〉。Siau Chheng-hun（蕭清芬）〈關係Koh活節ê幾項事〉，接3月號第42面，chit期繼續講：「2. Koh活節ê慶祝方俗；3. Koh活節ê日子ê聖潔」chit幾項。最後是〈消息〉，5條，kap Tiuⁿ Hông-chhiong（張逢昌）〈編者ê話〉。（文/Bo̍k ilī）