Chit份ê內容有：卷頭詞：Tân Kong-hui（陳光輝）〈再認識〉，請咱koh 1 pái認識基督教教育ê目標，就是：Beh Chhōa人bat基督，beh chhōa人透過基督來bat上帝，beh chhōa人降服tī上帝絕對ê權威ê下面。繼續是教員養成講座4篇：（1） Lîm Gio̍k-tiân（林玉田）〈保羅（5）〉，接1月號23面，chit期繼續講III.保羅ê教育kap訓練：「（3）耶路撒冷大學ê學生」。（2） Bí Te̍k-lí（彌廸理）〈舊約入門（3）〉（待續），接1月號第29面，chit期繼續講讀舊約ê重要性：3.因為舊約包含chōe-chōe新約所無ê；使徒，kap初代教會ê聖經；4.因為若無舊約bōe thang明白新約。（3） Iâu Chèng-tō（姚正道）〈猶太慣俗〉，chit期開始講：「家譜」：I.保存家譜；II.家譜ê記載法。(4) Iûⁿ Sū-ióng（楊士養）〈Hi-le̍k-put-lân〉，紹介Hi-le̍k-put-lân （Hildebrand 1015-1085）ê生平記事。Tīⁿ Kím-êng（鄭錦榮）〈聖詩tâm-ōa（談話）(13)〉，chit期紹介聖詩322首“Jesus Lover of my Soul ”〈 慈悲疼痛大jîn君〉，接頂月日ê解說，ke-thiⁿ關係chit首詩ê故事。Koh來是主日學ê教材：〈兒童說教的指針及分班時的教材〉，Tân Kong-hui（陳光輝）編寫，教案內容大約有：目的、金句、禮拜（內容）：聖經、說教，了後分班課程：聖經、教ōa；2月份ta̍k禮拜主日學ê課題是：2月1日：〈耶穌受人問關係納稅ê事〉；2月8日：〈人問耶穌關係koh活ê事〉；1月15日：〈人問耶穌關係大ê誡ê事〉；2月22日：〈耶穌教示關係chit ê世界ê路尾ê事〉。Tân Kong-hui（陳光輝）ê專論，〈台灣基督教教育的展望〉，接1月號45面，chit期講：I.基督教教育tio̍h施行ê範圍tio̍h tī全生涯；II.事事tio̍h有截錄、整頓。最後是〈消息〉，5條；Kong-hui（陳光輝）〈編輯後記〉。（文/Bo̍k ilī）