Chit份ê內容有：卷頭詞：Chhòa Sìn-gī（蔡信義）〈師弟或是父子〉，主日學ê目的是beh引chhōa青少年來認識耶穌、接受基督做伊本身ê救主，建立建全基督徒ê品格；Chit其中，主日學ê教員伊本身ê信仰生活，以及對學生ê關係是真要緊；咱tio̍h學保羅，kā學生tòng做養飼ka-kī ê囝án-ni，用心眷顧伊屬靈ê活命ê長大。主日學ê教材：〈兒童說教的指針及分班時的教材〉，Tân Kong-hui（陳光輝）編寫，教案內容大約有：目的、金句、禮拜（內容）：聖經、說教，了後分班課程：聖經、教ōa；1月份ta̍k禮拜主日學ê課題是：1月4日：〈耶穌叫醒人ê信心〉；1月11日：〈耶穌要求完全ê順服〉；1月18日：〈耶穌強調最大ê價錢〉；1月25日：〈耶穌顯明伊ê權柄〉。教員養成講座3篇：（1） Lîm Gio̍k-tiân（林玉田）〈保羅（4）〉，接12月號42面，chit期講：保羅無意中teh備做上帝合用ê器具：III.保羅ê教育kap訓練。（2） Bí Te̍k-lí（彌廸理）〈舊約入門〉（待續），接頂月號第44面，chit期討論ê問題有：（2） 第二ê問是關係舊約ê道德標準；（3） 第三ê問題，kám-chhái也是上困難ê 1 ê；（4） 對tī hiah ê用小心teh讀舊約ê人，也ōe tú-tio̍h另外1 ê問題；繼續作者講起讀舊約ê重要性：1.舊約是基督kap伊ê使徒，kap初代教會ê聖經；2.對基督hit時kàu tī現在所有正統ê教會有告白舊約是上帝ê話。（3） Iâu Chèng-tō（姚正道）〈猶太慣俗〉，準備beh紹介猶太ê風俗習慣，thang提供主日學教員做補充教材ê參考。Tīⁿ Kím-êng（鄭錦榮）〈聖詩tâm-ōa（談話）（12）〉，chit期紹介聖詩332首“Jesus Lover of my Soul ”〈慈悲疼痛大jîn君〉。中文書寫ê文章1篇：Gô͘ kong-bêng（吳光明）〈基督教教育的雙層革命〉。Koeh Bun-tong（郭文東）〈Ài咱知影〉，做教員ê人ê使命是栽種kap沃水，m̄是beh khiú hō͘ 大欉，因為聖經裡論教育講：「栽種kap沃水若定，獨獨hō͘伊大欉ê是上帝。」。Tân Kong-hui（陳光輝）ê專論，〈台灣基督教教育的展望〉。〈出名人ê聖經觀〉，條列：Hôa-sēng-tun、Ná-pho-lûn、Lîm Khéng、Gû-lat-lô͘-sū-tun、Oe-bú-su-tha等出名人ê聖經觀。〈成語〉，紹介成語：「一湖金魚，bē堪得一尾三斑鬧」。最後是〈消息〉，1條；Kong-hui（陳光輝）〈編輯後記〉。（文/Bo̍k ilī）