Chit份ê內容有：卷頭詞：Tân Sūi-san（陳瑞山）〈收刈祭：細細ê種子〉，作穡人對iā種子kàu收成tio̍h費真chē苦心，收成ê時，in ê心真歡喜，就做收割節來感謝神；耶穌bat用1粒麥ê教示講：「1粒麥若無lo̍h tī地裡來死，就iû-goân1粒nā-tiāⁿ」；主日學ê小朋友就是將來ê教會ê種子，咱做主日學教員的確tio̍h有疼心kap謙卑ê態度，將chiah ê種子iā tī上帝所歡喜ê地，koh照主旨意改良變質ê種子，hō͘伊合主路用；也請咱tī收割節ê時，tio̍h ē記得感謝主賜咱真chē種子，願咱所iā ē-thang通得tio̍h豐收。Koh來是Tīⁿ Liân-tek（鄭連德）〈基督教教育的再檢討〉，是接8月號第45面，chit期講：II. Kap 家庭ê關係、III.養成指導人物kap結論：「現今ê課題」。Iû Chèng-gī（尤正義）〈南臺主日學略史（4）〉（待續），接8月號第35面，chit期講II. 建設期（A. D. 1917-1929）：「1.時代背景；2.台灣大會主日學部會成立；3.南部中會主日學部會ê誕生；4. 建設期ê 主日學」等記事。繼續是〈主日學的教材〉，Tân Kong-hui（陳光輝）編寫，教案內容大約有：目的、金句、禮拜（內容）：聖經、說教，了後分班課程：聖經、教ōa；11月份ta̍k禮拜主日學ê課題是：11月2日：〈開始加利利ê傳道〉；11月9日：〈主教示信徒應該tio̍h有ê生活〉；11月16日：〈主醫治ê工作〉；11月23日：〈主受反感〉；11月30日：〈主用譬喻教示人〉。教員養成講座1篇：Iûⁿ Sū-ióng（楊士養）〈景教〉，紹介唐太宗時期傳入中國ê「景教」。Tīⁿ Kím-êng（鄭錦榮）〈聖詩tâm-ōa（談話）（10）〉，chit期紹介聖詩159首“Just as I am, without one plea” 〈我罪極重，bōe得推辭〉。Chiong Bō͘-sêng（鍾茂成）〈東南亞華僑基督教教育課程協議會〉，報告參加「東南亞華僑基督教教育課程協議會」ê消息。最後是〈教育處公告〉kap Kong-hui（陳光輝）〈編輯後記〉。（文/Bo̍k ilī）